________________
कुमारपालप्रतिबोधे
[प्रथमः सत्त वरिसाईं तं पालिऊण धन्नो मओ सह पियाए। जुयलत्तणेण जाओ हेमवए वासणा-वसओ॥ तत्तो मरि जाओ सो सोहम्मंमि खीरडिंडिरो। देवो सा उण देवी तन्भज्जा खीरडिंडिरा ॥ चविऊण धन्नओ सो सोहम्माओ तुमं नलो जाओ। नरनाह ! धूसरि चिय इमा पिया तुज्झ दमयंती ॥ जं पुव्व-भवे दिन्नं मुणि-दाणं सावगत्तणं च कयं । तस्स फलेण सुरुवं रजं च तए इमं पत्तं ॥ एसा वि हु दमयंती तडम्म-फलेण तुह पिया जाया। केण वि अगंजियप्पा विसेस-तव-तिलय-दाणेहिं ॥ जं पुण वारस-घडिआ विडंबणा तस्स साहुणो विहिया । तुम्हं रज-ब्भंसो बारस-वरिसाइँ तं जाओ ॥ इय गुरु-वयणं सुणिउं संवेगमुवागओ नलो राया । पुत्तं पुक्खलनामं गुणाभिरामं ठवइ रजे ॥ दमयंतीएँ समेओ गहिउं दिक्खं नलो गुरु-समीवे । पढइ सुयं कुणइ तवं परीसहे दुस्सहे सहइ ॥ अह कम्मस्स विचित्तत्तणओ रायस्स दुजयत्तणओ। भोगत्थं दमयंतीइ कुणइ चित्तं नलो साहू ॥ तत्तो गुरुहिं चत्तो पिउणा पडिबोहिओ य आगंतुं । परिपालिउं असको वयं इमो अणसणं कुणइ ॥ दमयंतीए वि कयं नलाणुरत्ताइ तं तओ मरिउं । जाओ नलो कुबेरो दमयंती तस्स पुण भजा ॥ किंचि वय-विराहणओ नीय-सुरत्तं इमेहिं संपत्तं । दो वि खविऊण कम्मं कमेण मोक्खं लहिस्संति ॥
इति द्यूते नलकथा ।
___ एयं सोऊण भणियं रन्ना-भयवं ! न मए अक्खाइ-जूएण कीलामेत्तं पि कायव्वं । गुरुणावुत्तं-महाराय ! जुत्तं तुम्हारिसाणं विणिजिय-अक्खाणं अक्ख-जूय-वजणं । मंतीहिं विन्नत्तो राया-देव ! देवेण ताव सयं परिचत्तं एयं, अओ सव्वत्थ रज्जे निवारिजओ त्ति। रत्ना वुत्तं एवं करेह । 'आएसो
Jain Education International
For Private & Personal Use Only
www.jainelibrary.org
