Kumarpal Pratibodh

SR No.: 001873
Original Sutra Author: Somprabhacharya
Author: Jinvijay
Publisher: Central Library
Publication Year: 1920
Total Pages: 564
Language: Prakrit
Classification: Book_Devnagari, Story, & Literature
File Size: 11 MB

Page 151

७४
कुमारपालप्रतिबोधे
[ प्रथमः
सिट्ठो दिट्ठो मुणी | मिगया - महूसव - विग्ध पडणो असउणो मे एसो त्ति चिंतितेण तेण कुंजरो व्व जूहाओ सत्थाओ धरिओ सो । नियत्तिऊण नीओ नियगेहूं । बारस घडिआओ जाव विडंबिओ । पच्छा पुच्छिओ समुच्छलिय-कारुन्नेण रन्ना देवीए य—कत्तो तुमं आगओ, कत्थ वा पत्थिओसि ? । मुणिणा भणियंरोहीडयपुराओ अट्ठावय-पव्वयावयंस- पडिबिंबाणं जिणबिंबाणं वंदणत्थं सत्थे सह पत्थओऽहं । एवं मुणि वयण- मंत-सवणेण विसं व विसहराणं वियलिओ तेसिं कोवो । भद्दग-भावं नाऊण भुणिणा कहिओ जीव- दया पहाणो धम्मो । आजम्माओ धम्मक्खरेहिं अविद्ध-कन्नाण ताण जाओ किंचि धम्म- परिणामो । पडिलाहिओ तेहिं साहू भत्त-पाणाइणा । धरिओ केत्तिअं पि कालं । ओसहं व रोगीण तेसिं धम्म- विन्नाणं दाऊण तेहिं विसजिओ गओ मुणी अट्ठावयं । एवं साहु-संसग्गओ पडिबुद्धेहिं तेहिं दविणं व किवणेहिं जत्तओ पालियं सावगत्तणं । अन्नया वीरमई धम्मथिरी- करणत्थं सासण- देवयाए नीया अट्ठावय-पव्वयं । तत्थ निय-निय-वन्न-प्पमाण- जुत्ताओ विविह- रयण- पज्जुत्ताओ सुरासुर- - विणिम्मिय - महिमाओ अरिहंत पडिमाओ पेच्छिऊण परमं परिओसमावन्ना । वंदिऊण आगया तओ नियनयरं । सा य वीरमई महंतं तित्थमेयं मए वंदियं ति सद्वाए जिणं जिणं पडुच वीसं वीसं आयंबिलाई करेइ | उवरि निवेसिय- माणिक-मणहरे कणग-निम्मिए तिलए । चवीसं जिणपडिमाओ जुग्गे कारवइ वीरमई ॥
अन्न- दिणे अट्ठावय- गिरिम्मि गंतुं इमा सपरिवारा । पूजं कुणइ जिणाणं पहवण-विलेवण- बलि-प्पमुहं ॥ जिण - परिमाण निलाडेसु ताई तिलयाई ठवइ भत्तीए । तप्पुन्न- पायवरस व जाई विरायंति कुसुमाई ॥ चारण-समणाइणं तित्थे तत्थागयाण दाऊण । दाणं जहाहिं सा इय कुणइ तवस्स उज्जवणं ॥ कय- किच्चं मणुय भवं सहलं विहवं कयत्थमवि जीयं । मन्नंती वीरमई पुणो वि पत्ता नियं नयरं ॥ इय भिन्न- सरीराण वि तेसिं दोन्हं अभिन्न-चित्ताणं । जिणधम्म-कय-मणाणं बहुओ कालो अकंतो ॥ जीवाण मरण धम्म- तणेण समए समाहि-मरणेण । मरिऊण मम्मण-निवो पत्तो सोहम्म-सुरलोयं ॥