________________
प्रस्तावः ]
द्यूतविषये नलचरितम् । तुह दंसणथमागओ नलो, पत्तो अउज्झाए परिसरे । समागयं सुणिऊण नलं अनलालिंगिओ व्व जाओ महंत-संताव-कवलिय-कलेवरो कूबरो।
वुत्तो नलेण एसो दूय-मुहेणं-मए समं जुज्झ। होउ मह तुज्झ लच्छी मह लच्छी वा हवह तुज्झ॥ अह कूबरेण पुणरवि पारडं जुज्झ-भीरुणा जूयं । सो सुकयमंसलेणं नलेण हाराविओ सव्वं ॥ कूरो वि कूबरो सो मम लहु-बंधु त्ति कोव-रहिएण । गुण-निम्मलेण विहिओ नलेण पुत्तं व्च जुवराओ॥ लहिऊण नियं रज्जं दमयंती-संजुओ नलो राया। उकंठिओ नमसइ अउज्झ-नयरी-जिणहराइं ॥ कय-विविह-पाहुडेहिं नलो नरिंदेहिं नमिय-पय-कमलो। कुणइ भरह-रज्जं वरिस-सहस्साई बहुयाई ॥ अन्न-दिणे सग्गाओ निसह-सुरो तेय-भासुरो पत्तो। विसय-मुह-सेवणारंभ-विन्भलं भणेइ नलमेवं ॥ रागाइ-तकरहिं लुटिजंतं विवेय-सव्वस्सं । जो अप्पणो वि रक्खसि न तुम सो होसि पुरिसो किं ?॥ पव्वजा-समयं ते कहिस्समिति जंपियं मए पुव्वं । ता संपइ माणुस-जम्म-दुम-फलं संजमं गिण्ह ॥ इय जंपिऊण देवो तिरोहिओ, अह समागओ तत्थ । जिणभद्दो नाम गुरू विमलावहिनाण-रयण-निही ॥ तो गंतुं दमयंती-सहिएण नलेण वंदिओ एसो। तह उवविसि पुरओ पंजलिणा पुच्छिओ एवं ॥ किं पुव्व-भवे भयवं ! अम्हेहिं कयं जमेरिसं रजं । लडूण हारियं अह पुणो वि लडं समग्गं पि ॥ गुरुणा भणियं-सुण सोम ! अस्थि एत्थेव जंबुदीवंमि । भारहवासे अट्ठावयस्स गिरिणो समीवंमि ॥ निच्चं अदिट्ट-पर-चक्क-संगरं अस्थि संगरं नगरं ।
तत्थासि विहिय-दिसि-रमणि-कम्मणो मम्मणो राया ॥ तस्स वीरमई देवी । कयाइ तीए सह पारद्धि-पत्थिएण पत्थिवेण नगरबाहिं सत्थेण सह गच्छंतो धम्मो व्व मुत्तिमंतो पसंतो संतोस-प्पमुह-गुणवि.
Jain Education International
For Private & Personal Use Only
www.jainelibrary.org
