Page Text
________________
७२
कुमारपालप्रतिबोधे
[प्रथमः लाभिहाण-पुरिसेण भीमस्स । झत्ति आगंतूण मित्तो व्व परिरंभिओ भीमेण । समप्पिओ पवरावासो। भोयणाइ-पडिवत्तिं काऊण भणिओ भीमेण-अत्थि ते सूरपाग-सूवयारो, तं दंसेहि मे।आइट्ठो दहिवन्नेण खुज्जो रसवइ-करणत्थं । तेण वि कप्प-रुक्खेणेव तक्खणे कया रसवई, दहिवन्नोवरोहेण भुत्तो भीमो सपरिवारो तं रसवई । तस्सासाय-परिक्खणत्थं तब्भत्त-भरियं थालं आणाविऊण भुत्तं दमयंतीए। रसासायणाउ य निच्छियं खुज्जो नलोति । भणियं च तीए-पुव्वं नाणनिहिणा गुरुणा अक्खियं मे, नलं विणा सूरपागं अन्नो नयाणइ भारहे।ता नूणं नलो चेव एसो। जं पुण खुज्जो तत्थ केणावि कारणेण होयव्वं। नलस्स एका परिक्खा रसवई, अन्ना वि अस्थि । नलंगुलीए वि फरिसिया अहं पलयालंकिया होमि । ता अंगुलीए फरिसेउ मं खुज्जो। जइ पुण इमावि परिक्सा मिलइ, तओ खुजो पुच्छिओ-किं तुमं नलो? तेण वुत्तं-कत्थ वित्थिन्न-वच्छत्थलो नलो, कत्थाहं जण-नयण-दुक्खुज्जओ खुज्जओ। तइ वि गाढोवरोहेण तेण फरिसियं दमयंतीए वच्छत्थलं अंगुलीए । तित्तिएणावि अंगुलीफरिसेणावि हियय-हरिसुकरिसेण ककोडयं व जायं उकंटयं दमयंतीए देहं । तया सत्ता अहं तुमए मुका, संपयं पाणनाह! दिहोसि, कहिं वचसि?त्ति भणंतीए तीए नीओ नलो भवणभंतरं । अब्भत्थिओ-पयासेसु सरुवं । तओ बिल्ला
ओ करंडाओ य वत्थालंकरणाई परिहिऊण जाओ सरुवत्थो नलो। तं दहण तचित्ता दमयंती वल्लि व्व पायवं सव्वंगमालिंगए गाढं। भीमेणावि नलो नाऊण निवेसिओ निय-सिंहासणे । सामी तुमं, ता समाइस किं करेमि? त्ति भणंतो ठिओ पुरओ कयंजली भीमो । दहिवनेण विन्नत्तो नलो। नाहो वि तुमं जं अन्नाणओ अणुचियं आणत्तो सि, तं खमेसु मे । दमयंतीए हक्काराविओ चंदजसा-समेओ समागओ रिउपन्नो राया। तहा तावसपुर-पहू वसंत-सिरिसेहरो । कया तेसिं पडिवत्ती भीमेण । अन्नया सव्वेसि पि भीमसहाए ठियाणं पत्तो पहाए पहा-पसर-डामरो अमरो।कयंजलिणा भणिया तेण दमयंती-अहं खु तावसवई, तुमए पडिबोहिओ, जिणधम्म-प्पभावेण मरिऊण सोहम्मे सूरो संजाओ त्ति । सत्त कणय-कोडीओ वरिसिऊण गओ सट्ठाणं । भीम-रिउपन्नदहिवन्न-वसंत-प्पमुहेहिं महीनाहिं मिलिऊण रज्जे अहिसित्तो नलो।नलाएसेण मेलियाई तेहिं निय-निय-बलाई । तेहिं परिगओ गज्जंत-गरूय-मयगलो तुरय-खुर-क्खय-खोणी-रेणु-रुद्ध-नहयलो रह-चक्क-चिक्कार-उकंपियारि-चक्ककन्न-जुयलो नलो संपत्तो कोसलापुरिं। दूयं पेसिऊण कहावियं कूबरस्स, जओ
Jain Education International
For Private & Personal Use Only
www.jainelibrary.org.
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |