Page Text
________________
७१
प्रस्तावः]
द्यूतविषये नलचरितम् । मि निव्वुइं । खुजेण वुत्तं-जच्च-तुरय-जुत्तं अपेहि मे रहं, जेण पच्चूसे तत्थ तुमं नेमि।न सामन्न-पुरिसो एसो किंतु खेयरो सुरो वत्ति चिंतिऊण समप्पिओ जहुत्त-रहो रन्ना । तं काऊण पगुणं भणिओ नलेण दहिवन्नो-आरोह रहं।
राया थइयाइत्तो छत्तधरो दुन्नि चामरकरा य । आरूढा तंमि रहे पंच इमे, खुजओ छट्टओ॥ तं बिल्लं च करंडं च कडियडे बंधिऊण वत्थेण । कय-देव-गुरु-सुमरणो तुरंगमे खेडए खुजो॥ हय-हियय-जाणएणं नलेण चोइज्जमाण-वर-तुरओ। गंतुं रहो पयट्टो पहु-चित्तेणं विमाणं व॥ अह दहिवन्नस्स पडो पडिओ रह-वेग-पवण-उडओ।
तेण परिओस-वसओ नलस्स ओयारणं व कओ ॥ दहिवन्नेण कहियमेयं खुजस्स, हसिऊण भणियं खुजेण-कत्थ पत्थिव ! अस्थि ते पडो ? पड-पडणाओ पंचवीसं जोयणाई आगओ रहो। किंच मज्झिमा इमे तुरया, जइ पुण उत्तमा हवेज, ता इत्तिएण कालेण चोइजमाणा वर-पंचास-जोयणाई रहो आगच्छेजा । दहिवन्नेण अक्ख-रुक्खं पिक्खिऊण अक्खियं-इत्थ अक्खे जत्तियाई फलाई चिट्ठति अगणंतो वि तेसिं संखं जाणेमि अहं, नियत्तंतो ते कोउगं दंसिस्सं । खुजएण भणियंमए सारहिंमि मा बीहेसु कालक्खेवाओ। एग-मुट्टि-प्पहारेण पाडेमि सव्वाई फलाइं तुह पुरओ । रन्ना वुत्तं-पेच्छ अच्छेरं, पाडेहि तुमं, चिट्ठति अट्ठारससहस्साई फलाणं । तओ मुट्टि-घाएण पाडियाई ताई खुजेण । गणियाई दहिवनेण, जाव तित्तियाइं चेव । दिना दहिवन्नस्स पत्थिएण तुरय-हियय-विजा खुजेण । गहिया दहिवन्नाओ फल-संखा-विजा । पहाए कुंडिणपुरासन्ने पत्तो . रहो वियसिय-वयण-कमलो संपन्नो दहिवन्नो । एत्थंतरे रयणी-विरामे दमयतीए दिट्टो सुविणओ । कहिओ विहि-पुव्वं पिउणो । जहा-दिट्ठा मए निव्वुइ-देवी आणेयंती इत्थ गयणे कोसलुजाणं । देवी-वयणेण पुप्फ-फल-कलियं आरूढा अहं चूय-पायवं । मम हत्थे समप्पियं पहाण-पउमं देवीए । पडिओ पुव्वारूढो झत्ति विहंगमो । भीमेण वुत्तं-पुत्ति ! सोहणो सुविणो । निव्वुइ-देवी ते पुन्न-रासी-जग्गिओ। कोसलुजाणं कोसला-रज-लाभ-करं । मायंदारोहणं नलसंगम-कारणं । पुव्वारूढ-विहंगम-पडणं कूबरस्स रजब्भंसो। पच्चूसे दिट्टो त्ति अज्जेव ते मिलिस्सइ नलो। तयाणिं चेव पत्तो पुरदारं दहिवन्नो। कहिओ मंग
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |