Page Text
________________
कुमारपालप्रतिबोधे
[प्रथमः सउण-संघाओ संजाओ सो वि निष्फलो, जं तुमं न होसि नलो । दमयंतीपिम्म-परवसेण खुजेण नीओ निय-गेहं विप्पो । जओ
जत्थ जणो वसइ पिओ तीए दिसाए समागओ संतो ।
काओ वि कुणइ हरिसं किं पुण पिय-पेसिओ पुरिसो॥ महासईए दमयंतीए महापुरिसस्स नलस्स य कहंतस्स ते किं सागयं कीरउ त्ति वुत्तूण कया भोयणाइ-पडिवत्ती। दिन्नं दहिवन्न-दिन्नं आहरणं । तओ पत्तो कुसलो कुसलेण कुंडिणपुरं । कहिओ भीमस्स मत्त-करि-वसीकरण-मूलो सव्वो खुज-वुत्तंतो । दमयंतीए वुत्तं-ताय ! नूणं नलो सो, किंतु केणावि आहारदोसेण कम्मदोसेण वा विरूवो जाओ।
करि-सिक्खा-कुसलत्तं, सूरियपागस्स करण-सामथ्थं । __अच्चम्भुयं च दाणं नलं विणा नत्थि अन्नत्थ ॥
ताय ! केणावि उवाएण तं खुजं इहाणेसु, जेण तं सयं परिक्खेमि। भीमेण वुत्तं-पुत्ति ! अलियं सयंवरं पारंभेमि, हक्कारेमि दहिवन्नं । दहिवन्नो पुव्वं पि ते लुडो आसि, परंतुमए नलो वरिओ। ता एम्हि तुह सयंवरं सुणिऊण सिग्घमागमिस्सइ सो। तेण सह खुज्जो वि। जइ सो नलो ता तुमं अन्नस्स दिजंतिं न सहिस्सइ । तहा तुरय-हिययन्नू नलो अत्थि, जइ सो खुज्जो नलो ता रह-तुरय-पेरणेण जाणियव्वो नलो त्ति । नलस्स पेरंतस्स पवण-तुल्ल-रया तुरया हवन्ति । आसन्नं दिवसं कहिस्सं । जइ तत्थ आगमिस्सइ खुजो वेगेण सोनलो नूणं । अन्नो वि थी-परिभवं न सहइ किं पुण नल-नरिंदो । पेसिओ भीमेण दहिवनस्स दूओ, कहिओ तेण चित्त-सुद्ध-पंचमीए दमयंती-सयंवरो। चिंतियं दहिवन्नेण-अहिलसणीया मे दमयंती, परं दूर-देसे सा, पच्चूसे पंचमी, न तीरइ तत्थ गंतुं, ता किं करेमि त्ति मीणो व्व थोय-जले पत्तो अरई दहिवन्नो।खुजेण चिंतियं-दमयंती महासई न पुरिसंतरमिच्छइ, इच्छेन वा तहावि मइ विजमाणे को गिण्हेज तं । ता तत्थ दहिवन्नं छहिं पहरेहिं नेमि, जेण अणेण सह ममावि पसंगेण दंसणं होइ । खुजेण वुत्तो दहिवन्नो-किं तम्मसि तुमं? कहेहि कारणं । नहि अकहिय-रोगस्स रोगिणो चिगिच्छा कीरइ । रन्ना वुत्तं संपन्नो कय-सुरपुर-पवेस-मंगलो नलो, पुणो वि दमयंती संपयं सयंवरं करिस्सइ, अधिमे दमयंतीए अहिलासो, दूरे विदभा, छच्चेव पहरा अंतरे, बहुय-दिवसेहिं आगओ दूओ, अहं पुण कहं इत्तिएण कालेण वचिस्सामि ? त्ति चिंताएन पावे
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |