Page Text
________________
प्रस्तावः ]
द्यूतविषये नलचरितम् । यारो हुंडिओ नामाहं। तस्स पासे सिक्खिआओ कलाओ। नलो कूबरेण बंधुणा जिणिओ रज्ज, दमयंतिं चित्तूण पवनो अरन्नं । विवन्नो तत्थेव नलो। तओ अहं आगओतुह समीवं, न उण अगुणन्नुणो कवड-कूवस्स कूबरस्स पासे ठिओ ।
तो दहिवन्न-नरिंदो सोऊण नलस्स मरण-वुत्तंतं । तं सोयं संपत्तो पारिजइ जो न कहिउं पि ॥ दमयंती-पिउ-पासे दहिवन्न-निवेण अन्नया दूओ।
केणावि कारणेण पट्टविओ मित्त-वित्तीए॥ भीमेण सकारिओ दूओ। कयावि पत्थावे पत्थिवस्स पुरओ जंपियं दूएण-मम सामिणो समीवे नलस्स सूयकारो अस्थि, नलोवएसओ सो मुणइ सूरपागं रसवई । तं सोऊण दमयंतीए जंपिओ पिया-ताय! पणिहिं पेसिऊण जाणाहि, केरिसो सूवयारो । नलं विणा न याणइ सूरपायं रसवई । जइ पुण गोवियप्पा नलो चेव हविज एसो।।
तो सामि-कज-कुसलो कुसलो नामेण पेसिओ विप्पो । दहिवन्न-सूवयारस्स रूव-जाणण-कए रन्ना ॥ सो सुंसुमारनयरे पत्तो सुह-सउण-दुगुणि-उच्छाहो । खुजं दटुं तस्संतिए निसन्नो विसन्नो अ॥ कुसलो चिंतेइ इमं कत्थ नलो कत्थ खुजओ एसो।
जं मेरु-सरिसवाणं अंतरमेसिं पितं चेव ॥ तओ चित्ते किं पि संपहारिऊण कुसलो दुहयं गाएइ
निहरु निक्किच काउरिमु एकु जि नलु न हु भंति ।
मुक्त महासई जेण विणि निसि सुत्ती दमयंती ॥ तं पुणो पुणो गिजमाणं सोऊण दमयंतिं संभरंतो गलंतंसुजलो परन्नो नलो। 'किं रुयसि त्ति? ' पुच्छिओ कुसलेण । खुजेण जंपियं-करुणरससंगयं गीयं ते सुणिऊण रुवामि । खुजेण पुच्छिओ सो ईहियत्थं। नल-जूयाओ आरब्भ विदभाए दमयंती-गमण-पज्जंता कहिया कहा कुसलेण । पुणो वि वुत्तं विप्पेण-खुज!दहिवन्नस्स रन्नो दूएण भीमरायस्स अग्गओ सूरपाग-सूवयारो ति कहिओ तुमं । सूरपाग-पच्चलो नलो चेव त्ति चिंतंतीए दमयंतीए जणयम
भत्थिऊण पेसिओ अहं ते दसणत्थं । तुम दटूण चिंतियं मए-कत्थ अचत्थममणुजो खुजो, कत्थ वा सव्वंगोवंग-पेसलो नलो, कत्थ कवलिय-तिमिकुडंबगो बगो, कत्थ वा कय-जणाणंदो चंदो । तहा ममागच्छंतस्स संमुहो
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |