Page Text
________________
१८
कुमारपालप्रतिबोधे
[प्रथमः त्तण-पहाणो कहिओ तेण सव्वो। भणिओ देवेण नलो-किमेवं अरण्णे परि
भमसि ? पराणेमि तुमं तत्थ, जत्थ गंतुमिच्छसि । नलेण वुत्तं-सुंसुमारपुरे पराणेसु मं । तओ तहा काऊण देवो गओ सुरलोयं । नलो वि तन्नगरुजाण-भूसणे जिण-भवणे पणमिऊण नमिनाहं पत्तो सुंसुमार-पुर-दुवारं। तत्थ उम्मूलियालाणक्खंभो पवण-फरिसे वि धूणियासणो उवरि संचरंते सकुंते वि करेण कांतो भंजतो तरुवणं वियरिओ मत्त-हत्थी । तत्थ दहिवन्नेण रन्ना पायारमारुहिऊण भणियं-जो एयं मत्त-कुंजरं वसीकरेइ तस्स जंमग्गियं संपयच्छामि । नलखुजेण वुत्तं-कत्थ सो मत्त-मयगलो जेण अहं वसीकरेमि । एवं भणंतस्स खुजस्स घणो ब्व गर्जतो तं पएसमागओ गओ । जवेण . तं पइ पहाविओ खुज्जो । करि-करायाय-वंचण-कुसलेण अग्गओ पच्छओ पासओ य संचरंतेण तेण नीओ परिस्समं करी । गरुडो व्व उप्पइऊण आरूढो तस्स खंधे । पुव्वासणे ठाऊण कलावे खिविऊण चलणे आहओ कुंभत्थले चवेडाए । कर-कलियंकुसेण वाहीओ करी खुज्जेण । उग्घुट्टो जयजयारवो जणेण । दिन्नं रन्ना सुवण्ण-सिंखलं । वसं नेऊण नीओ नलेण आलाण-क्खंभं वारणो। तओ उत्तरिऊण अकय-पणामो दहिवन्नस्स रन्नो आसन्ने निसन्नो नलो। रन्ना भणिओ-भो खुज्ज ! अस्थि हत्थि-सिक्खा-वियक्खणं किमन्नं पि विनाणं ते ? । खुज्जेण भणियं-किमन्नं कहेमि, जइ सूरियपागं रसवइं दटुमिच्छसि, ता करेमि । तओ रन्ना गंतूण गेहं खुज्जस्स समप्पियं मुग्ग-तंदूल-साग-वेसवार-प्पमुहं । सूरातवे थालीओ मुत्तूण सूरविज्जं सरंतेण खुज्जेण कया दिव्वा रसवई । कप्प-रुक्ख-दिन्नं पिव मणुन्नं तं रसवइं भुत्तो सपरिवारो राया । जंपियं रन्ना-अहो ! रसवईए पाग-पगरिसो, अहो ! रस-महुरिमा, अहो ! विसेस-पेसलया, अहो ! सञ्चिदि-उवयारित्तणं । एरिसं रसवई नलो चेव जाणइ तओ नलं सेवंतस्स मे परिचिया चिरं एसा।ता किं तुमं नलो सि खुज्ज !?, नवा विरूवो एरिसो नलो, कहं वा जोयण-सय-दुगंतरियस्स तस्सागमो ? कत्तो वा भरहद्धसामिणो तस्स एगागित्तणं ? । तओ तुटेण रन्ना दिनाई खुज्जस्स वत्थालंकरणाइं टंक-लक्खं गामाणं च पंचसयाई । से सव्वंपि गहियं खुजेण । न गहियाइं गामाण पंचसयाइं । रन्ना वुत्तो खुजो-किमन्नं पि किंचि ते दिजउ ? । खुजेण जंपियं-जइ एवं पारहिं मजं च नियरजेसु निवारेसु । रन्नावि तव्वयण-बहुमाणओ तहेव कयं । अन्नया रन्ना पुच्छिओ खुज्जोको तुमं ? कत्तो वा आगओ? खुज्जेण जंपियं-कोसलाए नलरायस्स सूय
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |