Page Text
________________
प्रस्ताव: ]
द्यूतविषये नलचरितम् ।
1
तया य दमयंति मुत्तूण रन्ने परिब्भमंतेण नलेण दिट्ठो वण-निगुंजाओ संजाओ धूमो । जो भमर - माला- सामलो उड्डुं वğतो गिरि व्व अच्छिन्न-पक्खो अंतरिक्खे रिक्वंतो लक्खिज्जइ । निमेस मित्तेण जो फुरंत-जाला-करालो जलहरो व्व महीयलुच्छलियविज्जु - पुंज - पिंजरो नज्जइ । तओ पसरियडज्झत-वंस-तडयडारवो विविह- सावयक्कंद - भेरवो कय-दुमोवदवो पलित्तो दवो । तत्थ इक्खागु-कुल-कमल-मत्तंड-मंडल नल ! रक्ख ममं ति सद्दो सुओ नलेण । निक्कारण- करुणा- पहाणत्तणेण सहाणुसारओ बचंतेण दिट्ठो 'रक्ख रक्ख' त्ति भणतो वणन्भंतरे भुयंगमो | कहं में नामं कुलं वा वियाणइ इमो ? कह वा सप्पस्स माणुसी भास ? त्ति, विम्हिय-वित्त-चित्तेण तस्स कड्ढणत्थं खित्तमुत्तरिज्जं । तं च भूविलग्गं वेढियं निय-भोगेण भोगिणा । रज्जु व्व कूवाउ कड्डिऊण वण-दवाविसए पएसे पन्नगं मुत्तुकामो तेण डक्को करे नलो । तं भूयंगं भूयले खिविऊण भणियं नलेण - साहु कयं कयन्नुणा तुमए जं ममोवगारिणो एवमुवगरियं । सचं खु एयं जो खीरं पाएइ सो वि डसिज्जइ तुइ जाइए । एवमुल्लवंतस्स नलस्स विसप्पंतेण सप्प-विसेण सजीवं चावं व जायं खुज्वं सरीरं । पिसाओ व्व कविल-केसो करहो व्व लंबोट्ठो रंको व्व सुहुम-पाणिपाओ गणवइ व्व लंबोयरो संपन्नो नलो । बीभच्छ-सव्व-गत्तं अत्ताणं पिच्छिऊण चिंतियं नलेण - अहो ! इमिणा रूवेण मुहा मे जीवियं, ता परलोओवयारिणिं पव्वज्जं पव्वज्जामि । एवं चिंता - पवन्नस्स नलस्स पन्नगो संपत्ती पसरंत पहामंडलो लसंत- मणि- कुंडलो सुरो । भणियं अणेण - परिचय विसायं, तुह पिया अहं सिहो । तया तुह रज्जं दाऊण पडिवन्न- पव्वज्जो मरिऊण समु-प्पन्नो बंभलोए देवो । अवहिनाणेण मुणिया मए इमा ते अवस्था । अओ मए मायाए भूयंग- रूवं काऊण खय-खार - क्खेवो व्व दुद्दसा - पडियस्स ते सरीरे विरइयं विरूवत्तणं, तं च कड्डु-ओसह-पाणं व उवगारगं ति चिंतियव्वं तए । जओ किंकरीकया तुम सव्वे वि रायाणो ते विरूवत्तणेण अणुवलक्खिज्जं तुमं नोवहविस्संति । पव्वज्जा-मणोरहं पि संपयं मा करेसु, अज वि भुत्तव्वा तित्तिया तुम मही । अहं चेव चारित्त पडिवन्ति-समयं ते कहिस्सं, तहा गिण्हेसु बिल्लमेयं रयण-करंडयं च धरेसु जत्तेण । जया य सरूवमप्पणो इच्छसि तया फोडेज बिल्लं पेच्छिहिसि तस्स मज्झे देवदूसाई, उघाडिज़ रयण-करंडयं तत्थ पलोइहिसि हार - प्पमुहाहरणाई । तेहिं देवदूतेहिं आहरणेहिं य परिहिएहिं पाविहिसि तक्खणेण निय-रूवं । नलेण पुच्छिओ देवो दमयंतीए वृत्तंतं । सई
Jain Education International
For Private & Personal Use Only
६७
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |