Kumarpal Pratibodh

SR No.: 001873
Original Sutra Author: Somprabhacharya
Author: Jinvijay
Publisher: Central Library
Publication Year: 1920
Total Pages: 564
Language: Prakrit
Classification: Book_Devnagari, Story, & Literature
File Size: 11 MB

Page 143

कुमारपालप्रतिबोधे
[प्रथमः तओ देवीए दंसिओ सहजो पहा-पुंज-निलओ दमयंतीए भाल-तिलओ। कोउगेण रन्ना निय-करेण पिहिओ। तओ गिरि-गुह व्व तिमिर-निन्भरा जाया राय-सहा । ओसारिऊण पाणि पुच्छिया रन्ना रज-भंसाइ-वत्तं । ओणय-मुहीए रुयंतीए तीए कहिया सव्वावि सा । रन्नावि निय-उत्तरिजेण नयणाई परामुसंतेण भणियं-पुत्ति ! मा रुयसु । सुरासुरेसु वि पहवइ विही । एत्यंतरे तरणि-कर-णि[कर]तेय-प्पसरेणअमरेण परिसाए आगंतूण कयंजलिणा भणिया दमयंती-अहं तुहाएसेण पिंगलो चोरो चारित्तं चित्तूण विहरंतो गओ तावसपुरं । तत्थ मसाणे ठिओ पडिमाए। चियानलेण डझंतो धम्म-ज्झाण-परो परमेट्ठि-मंतं सुमरंतो पुव्व-पावाइंगरहंतो गओ पंचत्तं। संजाओ पहा-पसर-भासुरो सुरो।अवहिणा मुणिय-पुव्व-भवो जीविय-रक्खणेण पव्वजा-पडिवजावणेण उवगारिणिं तुमं हुमागओ। ता चिरं नंद तुमं ति। तओ सत्त कणयकोडीओ वरिसिऊण तिरोहिओ देवो । एवं देवेण दंसियं सुकय-फलं पच्चक्खं पिक्खंतो पवन्नो रिउवन्नो जिणधम्मे । समए विन्नत्तो बडुएण एसो-देव ! विसज्जेह मयंतिं पिइ-हरं । चंदजसाए वि वुत्तं—एवं होउ त्ति । तओ रिउवन्नेण रन्ना विसज्जिया चउरंग-बल-कलिया चलिया दमयंती। तं आगच्छति सोऊण सिणेह-तंतु-संदाणिओ निग्गओ पुप्फदंतीए समं संमुहो भीम-भूवई। जणणि-जणए दट्टण तुठ्ठ-चित्ता मुत्तूण वाहणं निवडिया पाएसु तेसिं दमयंती।
ताण घणुकंठाणं चिराओ मिलियाण नयण-नीरेण । निवडतेण समंता महीयले कद्दमं जायं ॥ जउण व्व जण्हु-कन्न जणणिं आलिंगिऊण दमयंती । लग्गूण जणणि-कंठे विमुक्क-कंठे चिरं रुयइ ॥ तो वयण-पंकयाइं जलेण पक्वालिऊण विमलेण । अखिलं पि सुक्ख-दुक्खं परोप्परं जंपियं तेहिं ॥ अह भणइ पुप्फदंती अंकं आरोविऊण दमयंति। दिठ्ठासि जं जियंती तं सुकयं जग्गए अम्ह ॥ अम्ह घरे अच्छंती सुहेण पिच्छिहिसि निय-पई वच्छे ! ।
चिरकालाउ वि पावइ भद्दाई जणो हि जीवंतो॥ तुट्टेण रन्ना दिन्नाई बड्डयस्स गाम-पंच-सयाई। नगरे गंतूण दमयंती आगय त्ति सत्त दिणाणि कया विसेसओ देव-गुरु-पूया । अट्ठम-दिणे भणिया दमयंती-तहा करिस्सं जहा सिग्धं ते नल-संगमो भविस्सइ ति ।