Kumarpal Pratibodh

SR No.: 001873
Original Sutra Author: Somprabhacharya
Author: Jinvijay
Publisher: Central Library
Publication Year: 1920
Total Pages: 564
Language: Prakrit
Classification: Book_Devnagari, Story, & Literature
File Size: 11 MB

Page 142

प्रस्तावः ]
द्यूतविषये नलचरितम् । नाम बडुओ। कमेण पत्तो अचलपुरे रिउपन्नस्स रन्नो पासं । पुच्छिओ चंदजसा-देवीए-कुसलं मम बहिणीए पुप्फदंतीए ? । बडुएण वुत्तं-निचं पि कुसलं देवीए। किंतु नल-दमयंती-रज-भंस-सवणाओ संजाओ देवीए महंतो चित्त-संतावो। चंदजसाए वुत्तं-किं भणिसि ?त्ति । बडएण कहिओ मूलाओ नल-जूय-वुत्तंतो। तओ चंदजसं रुयंतिं परुन्नो राय-लोओ। सव्वं सोयनिब्भरं पिच्छिऊण छुहा-पीडिओ बड्डुओ गओ दाण-सालं । निविठ्ठो तत्थ भोयणत्थं । दाणाहिगारिणिं दमयंतिं उवलक्खिऊण समुप्पन्न-परिओसो पणओ सो । देवि ! गिम्हे वीरुहाए व्व का एसा ते अपसत्था अवत्था ? दिडिया दिट्ठासि जीवंती । संपयं कुसलं सव्वेसिं । एवं जंपिऊण वीसरिय-छुहा-दुक्खो गओ चंदजसा-समीवं । भणियमणेण–वद्धाविजसि, अत्थि ते दाणसालाए दमयंती। तं सोऊण आगया तत्थ चंदजसा। तीए आलिंगिया गाढं दमयंती। भणियं च-धिद्धी मं जीए इयर-जण-विलक्खणेहिं सामुद्दिय-लक्खणेहिं अक्खियावि नोवलक्खिया तुमं । वच्छे ! वच्छलावि अहं अत्ताणं गोविऊण किं वंचिया तुमए ? । का वा ते लज्जा ममंतिए ? । कहेहि किं तुमए मुक्कोनलो? नलेण वा मुक्कासि ?! नूणं नलेण मुक्का तुमं । तुमं पि जइ वसण-वडियं पई परिचयसि ता धुवं रवी अवर-दिसाए उग्गमेजा। हा नल ! न लजसे गुण-संचयं चयंतो एयं ? किं ते कुलोचियमिणं ? । गिण्हामि ते दुक्खं । किजामि उयारणं । खमेसु मे अवराहं जं नोवलक्खियासि । कत्थ वा फुरियकंति-निलओ ते भाल-तिलओ। तओ निय-निट्ठीवणेण चंदजसाए परामुढे भाल-वर्ट दमयंतीए ।
अक्को व्व मेह-मुक्को सुवन्न-पिंडो व्व अनल-उत्तिन्नो। दमयंतीए भाले तिलओ तो फुरिउमारडो॥ अह देवयाइ पडिम व्व पहाविया निय-करेहिं देवीए । पवरंसुयाइ परिहाविऊण नीया निव-समीवे ॥ चंदजसा दमयंती य दोवि रन्नो सहाइ उवविट्ठा। तंमि समयंमि सूरो भुवण-पईवो गओ अत्थं ॥ तिमिरेण कजलेण व भायणं गयण-मंडलं भरियं । तहवि न राय-सहाए वियंभिओ तिमिर-लेसो वि ॥ तो रन्ना वागरियं अत्यमिओ नणु रवी न इह दीवो । अत्थि न वा जलणो ता किमेस एवं विहजोओ ?॥