Page Text
________________
सूतविषये नलचरितम् । सो वि जणउ व्व वच्छलो तं वेत्तूण तत्थेव गओ । दिट्टो सावओ पडलिहियं तमाल-दल-नीलं जिण-बिंबं बंदतो । दमयंतीए वि वंदियं बिंबं । कय-सावयवंदणाए पुच्छिओ-भो ! कस्स तित्थयरस्स बिंबमेयं । तेण वुत्तं-सुण, धरणीरमणी-मणी-कंचीए कंचीए नयरीए वत्थव्वो वाणिओऽहं । तत्थ अन्नया नाणजुत्तो धम्मगुत्तो नाम समागओ साहू। वंदिऊण पुच्छिओ सो मए-कया मे निव्वुई ? । तेण वुत्तं-देव-लोयाओ चूओ मिहिलापुरीए पसन्नचंदो राया होऊण एगुणवीस-तित्थयरस्स मल्लिनाहस्स पासे पडिवन्न-संजमो सिज्झिहिसि । तप्पभिइ समुपन्ना मे मल्लीनाहे भत्ती । पुज्जेमि पडिलिहियमेयं मल्लिनाहस्स बिबं । तेण वि पुच्छियाए दमयंतीए कहिओ निय-वुत्तंतो । तेण वुत्तं-जणओ व ते एस सत्थवाहो अहं च भाया तान कायव्वो तए खेओ। पहाए पत्तो सत्यवाहो अचलपुरं । तत्थ मुत्तूण मयंतिं गओ अन्नत्थ । एसा तिसिया पविट्ठा नगर-वावीए । जल-देवय व्व दिहा इत्थीहिं।
तीए य वाम-चलणो गहिओ गोहाइ सलिल-तीरंमि। निय-जाइ-संगम-कए दुक्खे दुक्खं धुवं एइ॥
तीए पढिओ नमोकारो । तप्पभावओ मुक्को पाओ गोहाए । सा पयं पाऊण निग्गया वावीओ। निसन्ना विसन्न-मणा वावी-तडे । तत्थत्थि रिउपन्नग-सुपन्नो रिउपन्नो राया । तस्स चंदुज्जल-जसा चंदजसा देवी । तीए दासीहिं दिट्ठा दमयंती । अच्चंत-सुंदरि त्ति विम्हियाहिं ताहिं कहिया देवीए । तीए वि आणाविया अप्पणो पासे । दट्टण दमयंति, अहो ! महुरिमा रुवस्स त्ति भणंतीए आलिंगिया गाढं। दमयंती वि निवडिया चलणेसु देवीए । भणिया य-भद्दे ! कासि तुमं ? । वणिय-पुत्ती भत्तुणा अहं अरन्ने चत्त त्ति कहियं तीए । देवीए वुत्तं-पुत्ति व्व चंदवई निचिंता चिट्ठ मह घरे । देवी वि पुर-परिसरे पइदिणं दीणाणाहाईण द्वावए दाणं । अन्नया दमयंतीए भणिया देवीजइ पुण मे भत्ता भोयणत्थं इत्थागच्छेज ता अहं देमि दाण-सालाए दाणं । निउत्ता सा देवीए । दइयं दह-मणा देइ दाणं । पुच्छए अस्थि-जणं किमेरिसरूवो पुरिसो दिहो तुब्भेहिं ति । अन्न-दिणे दाण-साला-ठिया पिच्छए तलारेहिं निजंतं वद्धं चोरं । पुच्छए सा तलारे-किमिमिणा विणासियं ? ति । तेहिं कहियं-चंदवईए रयण-करंडिया हरिया अणेण, ता हणिजइ एसो। चोरो वि दंत-गहियंगुली नमिऊण दमयंतिं भणइ-देवि ! मिल्लावेहि मं तुह सरणमागओऽहं । दयावंतीए मयंतीए कया सील-सावणा । सील-प्पभावेण तुद्दा
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |