Page Text
________________
कुमारपालप्रतिबोधे भणियं-भयवं ! थेव-जीविओऽहं किं करेमि संपर्य ? । संपत्तमणुकंपेण गुरुणा वुत्तं-वच्छ ! मा गच्छ खेयं । पडिवज पव्वजं । जओ एग-दिवसं पि एसा सग्गापवग्गकारणं । तओऽहं पवन्नो दिक्खं । गुरु-
निओगेण आगओ एत्थ । सुक्कझाणानलेण दड्ड-कम्मिघणो पत्तो केवलं । एवं कहिऊण कय-जोगनिरोहो खविय-भवोवग्गाहि-कम्मो सिंहकेसरी गओ मोक्खं । कओ केवलिसरीरस्स सुरेहिं सक्कारो । पडिवन्ना कुल-वइणा जसभद्द-सूरि-पासे पव्वज्जा । दमयंतीए भणिओ सूरी-ममावि देहि दिक्खं । सूरिणा भणियं-भद्दे ! भुत्तव्वा तए नलेण सह भोगा । अओ नारिहसि तुमं दिक्खं । पहाए पव्वयाओ उत्तरिऊण सूरी गओ तावसपुरं । एवं धम्म-पसत्ता मलिण-गत्ता सत्तसंवच्छराई ठिया गिरिगुहाए दमयंती । अन्नया आयन्नियं तीए जहा-द्मयंति ! दिट्ठो मए अमुग-प्पएसे तुह पइत्ति पहिय-वयणं । तओ समुप्पन्नपरिओसा निग्गया गुहाओ सा । पहाविया वयणाणुसारेण । गया दूरं । पडिया अरन्ने । नलं अपिच्छंती रोवि पवत्ता। हा! किं करेमि ? कत्थ वा जामि ? त्ति विलवंती तं चेव गिरि-गुहं गंतुमारडा। दिट्ठा पसारिय-मुहीए भक्विस्सामित्ति भणंतीए रक्खसीए । तीए विन सक्किया सील-प्पभावओ भक्विउं। सुविण-दिट्ठ व्व तिरोहिया रक्खसी । अग्गओ गच्छंतीए तीए दिवा निज्जला नई। पिवास-पिडियाए पण्हि-पहारेण सील-प्पभावओ उप्पाइयं तत्थ पाणियं । पाऊण तं पत्थिया पुरओ। परिस्संता वीसंता नग्गोह-तरु-तले । दिट्ठा सत्थपुरिसेहिं । भणिया य-भद्दे ! का तुमं देवि व्व दीससि ? । तीए वुत्तंमाणुसी अहं सत्थ-परिन्भट्ठाऽरन्ने संचरामि । दंसेहि मे तावसपुर-मग्गं । तेहिं वुत्तं-अम्हे पाणियाणयणत्थं इत्थागया।अत्थ-गिरि-मत्थय-त्थे अक्के न सकेमो ते मग्गं दंसिउं । जइ पुण अम्हेहिं सह आगच्छसि ता सत्येण समं तुमं किं पि पट्टणं पराणेमो । गया सा तेहिं सह सत्थे । तत्थ द्रूण धणदेव-सत्थ-वाहेण पुच्छिया-कासि तुमं ? । तीए वुत्तं-वणिय-पुत्ती अहं पिइ-हरं पत्थिया अरन्ने पसुत्ता परिचत्ता भत्तुणा । बंधवेहिं व तुह पुरिसेहिं सहागया । सत्थवाहेण वुत्तं-अहं अचलपुरं गच्छिस्सं ता तुमं पि आगच्छ वच्छे !। पुप्फ व पयत्तेण नइस्सं तुमं । तओ आरोविया पहाण-वाहणं सा। पत्थिओ सत्थवाहो । आवासिओ वियसिय-दुम-कुसुम-समुल्लसिय-पराग-पुंजे गिरि-निकुंजे। निसाए सथिएण पढिज्जंतो पंच-नमोकारो सुओ दमयंतीए । तीए वुत्तो सत्थवाहो-जो नमुक्कारं पढइ सो सावओ साहम्मिओ मे, तं दटुमिच्छामि ।
Jain Education International
For Private & Personal Use Only
www.jainelibrary.org.
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |