________________
द्यूतविषये नचरितम् |
६१
1
कया केवलिणा असार-संसार - सरूव-परूवण-परा धम्म- देसणा । एत्यंतरे तत्थागओ गयणमुज्जोयंतो देवो । केवलिणं नमिऊण भणिया तेण दमयंती - भद्दे ! इहेव तवोवणे कुल-वइणो सीसो तिव्व-तव-चरण-तप्परो कप्परो नाम अहमासि । पंचग्गि-साहगो वि नाहिनंदिओ तावसेहिं । तओ तेसु पसरंत - रोसो पत्थिओ अन्नत्थ । नीरंघ - तिमिर - निरुद्वाए निसाए वञ्चतो निवडिओ गिरिकंदरे । गिरि-दंतग्ग- लग्गा भग्गा मे दंता । दंत-भंग- पीडा-पर- बसो तत्थेव पडिओ । ठिओ सत्त-रत्तं । तावसेहिं दुस्सुविणस्सेव तस्स वत्तावि न कया, किं पुण पडीयारो ? | विसेसओ भुयंगे व गेहाओ निग्गए तवोवणाओ तम्मि तावसाणं सुहं संजायं । सोवि तावसेसु विसेसुल्लसंत- रोसो मरिऊण तत्थेव तावसारन्ने समुपपन्नो पन्नगो | कयाइ कय-फण- कडप्पो पहाविओ अहं तुह डसणत्थं । तुमए वि मं दट्टण पढिओ परमिट्टि मंतो । तेण मे कन्न-गोयरं गएण रुडा गई । पुणो वि पट्टि बिलं । अन्नया तए तावसाणं कहिज्जंतं धम्मं सुणेमि । जो कोह- माण - माया - लोहाणुगओ करेइ पाणि-वहं । सो पर भवंभि पावइ जीवो तिक्खाई दुक्खाई ॥
तओ चिंतियं मए - हा ! कहं भविस्सं ?, जो जीव-वहेण चैव जीवामि । इमे य मए तावसा कहिंचि दिह-पुव्वति ऊहापोहं कुर्णतस्स मे जायं जाइसरणं । संवेग - पुव्वं पुव्व- दुक्कडाई गरहंतेण कथं मए अणसणं । मरिऊण सोऽहं सोहम्मे समुप्पन्नो कुसुमप्पहो नाम देवो । तुह धम्म-वयण-सवणाओ समुवलद्धं सुरत्तणं ति उवगारिणि तुमं दहुमागओऽहं । ता धम्म- पुत्तो अहं ते । भणिया य तेण तावसा - खमह मह पुव्व कोवाचरणं । पालेह पुव्व पडिवन्नं सवय-व्वयं । तं च सप्प-कलेवरं गिरि-कंदराओ कड्डिऊण ओलंबियं पायवे । भणियं च -- - जो कोइ कोवं करेज्ज सो कप्परो व्व सप्पो पर भवे हवेज्जति । तओ संविग्ग- चित्तेण कुलवइणा भणिओ केवली - भयवं ! देहि मे दिक्खं । केवलिणा वृत्तं - एस जसभद्द-गुरू दिक्खिस्सइ तुमं । पुणो वि जंपियं कुलवइणाकहं तए पडिवन्ना दिक्खा ? । केवलिणा कहियं — कोसलाए नयरीए कूबरस्स नंदणो अहं । भंगा-नयरी - सामिणा केसरिणा दिन्ना मे बंधुमई नाम निय-धूया । जणयाएसेण गंतूण परिणीया सा मए । तीए सह नियत्तंतेण दिट्ठो मग्गे समोसरिओ एस आयरिओ । वंदिओ परम भक्त्तीए सुया सवणामय-सारणी तस्स देसणा । पुच्छिओ य- भयवं ! कित्तियं मे जीचियं ? | दिनोवओगेण वागरियं गुरुणा - वच्छ ! पंचैव दिवसाई । तओ मए मरणमासन्नं मुणिऊण
Jain Education International
For Private & Personal Use Only
www.jainelibrary.org