Page Text
________________
कुमारपालप्रतिबोधे त्ति । विभंग-बलेण नाऊण अक्खियं रक्खसेण । पवास-दिवसाओ आरम्भ संपुन्ने बारसे वरिसे पिउ-भवण-ट्ठियाए सयमेव मिलिस्सइ ते नलो । पुणोवि तेण वुत्तं-किं इमिणा मग्ग-खेएण ?, जइ भणसि ता निमेस-मित्तेण तुमं ताय-मंदिरं पराणेमि । तीए वुत्तं-कयत्थाऽहं नल-संगम-कहणेण । नाहं परपुरिसेण समं वच्चामि । वच्च तुमं सहाणे । पहा-पुंज-भासुरं सुर-सरीरं दंसिऊण तिरोहिओ रक्खसो । बारस-वरिसियं पइणो पवासं मुणिऊण गहिया दमयंतीए नियमा। रत्त-वत्थाई तंबूलं भूसणाई विलेवणं विगईओ न गिहिस्सं, न जाव मिलेइ नलो। तओ तिव्व-तव-चरण-परा पारणए बीय-रहिय-फल-विहियपाण-वित्ती चित्त-द्वियं संतिनाह-पडिमं झायंती दमयंती गंतूणं गिरि-गुहाए ठिया । सत्थ-वाहो सत्थ-मज्झे तं अ-दट्टण संभंत-चित्तो गवेसंतो आगओ गिरि-गुहं । झाण-समत्तीए संभासिओ सोतीए। ताण संलावं सोऊण संपत्ता तत्थ के वि तावसा। ठिया हरिणि व्व निच्चल-कन्ना। इत्थंतरे थूल-धाराहिं वरिसिंउं पयहो मेहो। सर-धोरणीहिं व धाराहिं ताडिज्जंतेहिं तावसेहिं जंपियंसंपयं पय-प्पवंच-वंचणत्थं कत्थ वच्चामो ?। संजाय-दयाए दमयंतीए भणियंभद्द ! मा बीहेह । काऊण तेसिं चउद्दिसि कुंडयं कया सील-सावणा-जइ मे सीलं अखंडियं ता कुंडयाओ बाहिं वरिसेउ मेहो । तओ छत्त-च्छन्न व्व कुंडए न निवडियं सलीलं । अन्नत्य पत्थरावि पलाविया पडत-पय-पूरेण । तं दहण विम्हिय-मणेहिं जंपियं अणेहिं । अहो ! न माणुसीए एरिसं ख्वं । नवा एरिसी सती । ता नूणं का वि देवया एसा । सत्यवाहेण वुत्तं-किं तुम झाएसि ?। किं वा निब्भया चिट्ठसि ? तीए वुत्तं-अहं अरहंतं देवं झाएमि। तप्पभावओ नत्थि मे भयं । देव-गुरु-धम्म-सरूवं सवित्थरं कहिऊण कराविओ जिण-धम्म-पडिवत्तिं सत्थ-वाहो। तावसा वि संपत्त-खीर-पाणकं जियं व नियधम्मं निंदंता पवन्ना जिण-धम्मं । तत्थ सत्थ-वाहेण करावियं पुरं । तं च पंचसयाइं तावसाणं इत्थ पडिबुद्धाइं ति 'तावसपुरं' ति पसिद्धं । तत्थ निम्मावियं संतिनाह-पडिमा-मण-हरं जिण-हरं । सव्वे वि जिण-धम्म-परा कालं वोलंति । अन्नया निसीहे सेल-सिहरे उग्गमंत-रवि-पहा-पूर व्व उज्जोओ दिवो दमयंतीए । दिट्ठा य उप्पयंत-निवयंता देवा । तेसिं जय-जयारावेण जग्गिया जणा। तेहिं समं समारूढा दमयंती पव्वयं । तत्थ सिंहकेसरि-साहुणो कया केवलप्पत्ति-महिमा अमरेहिं । वंदिऊण तं मुणिं पुरो निसण्णा सव्वे । इओय तस्स केवलिणो गुरू जसभद्दो नाम तत्थागओ। सो वि केवलिणं नमिऊण निसन्नो।
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |