Kumarpal Pratibodh

SR No.: 001873
Original Sutra Author: Somprabhacharya
Author: Jinvijay
Publisher: Central Library
Publication Year: 1920
Total Pages: 564
Language: Prakrit
Classification: Book_Devnagari, Story, & Literature
File Size: 11 MB

Page 133

५६
कुमारपालप्रतिबोधे
[प्रथमः रह-तुरंगा । कमेण घुरघुरंत-घोर-वग्ध-वितत्थ-पंथ-चूहं रउद्द-सह-सठूल-संहरिय-हरिण-जूहं विस-विसम-विसप्पंत-सप्प-भीसणं सुणिज्जंत-सावय-निवहनीसणं अरन्नं पत्तो नलो । तत्थ रुद्धो कर-धरिय-धनु-बाण-सिल्लेहिं भिल्लेहिं । रहं मुत्तूण ढुक्को ताण संमुहो करेण करवालं नचावयंतो नलो । सीहस्स व सियालेसुं को तुह इमेसु अक्खेवो ? , भरहद्ध-विजय-लच्छी-विलास-भवणं ते किवाणो किं न लज्जए इमेसु पसु-पोएसु पहरंतो ? त्ति भणंतीए भुयाए धरिओ रहं मुत्तूण दमयंतीए नलो । मुक्का दमयंतीए सील-माहप्प-दुस्सहा हुंकारा । हरिण व्व हरि-गुंजहिंतेहिं पणट्ठा दिसो-दिसं भिल्ला । भिल्ल-पिट्टओ नलेण समं गया दमयंती दूरं ।।
एत्तो य अन्न-भिल्लेहि रह-वरो तत्थ ताण अवहरिओ। किं कुणइ पुरिसयारो पुरिसस्स विहिम्मि विवरीए॥ तम्मि अरन्ने घेत्तुं दमयंतीए करं निय-करेण । कर-गहणूसव-समयं सुमरावंतो नलो चलिओ ॥ दब्भग्ग-भिन्न-कोमल-कम-कमल-झरंत-रुहिर-बिंदूहिं । दमयंतीए तमरन्नमिंदगोवंकियं व कयं ॥ रजंमि पट्ट-बंधो दमयंतीए सिरंमि जो आसि। निय-पड-खंडेहिं नलेण सो कओ संपइ पएम् ॥ दमयंतिं दुम-मूले निसन्नमडाण-गमण-खिन्न-तणुं । निय-परिहाणंचल-वीयणेहि वीएइ नल-राओ ॥ पाएइ नलो सलिलं पत्त-पुडि आणिऊण तं तिसियं ।
सा पुच्छइ नलमज्जवि गंतव्वं कित्तियमरन्नं ।। नलेण वुत्तं-देवि ! जोयण-सयं अरन्नमेयं । अज्जवि पंच-जोयणाइं लंघियाई । धीरा होहि । एवमुल्लवंताणं ताणं पहे वच्चंताणं पडियारं काउं असक्को अक्को लजंतो व निलुको अत्थगिरि-सिहरं । काणणेसु कंकेल्लि-पल्लवेहिं विहिओ पसत्थो सत्थरो नलेण । भणिया दमयंती-देवि ! सुविऊण एत्थ देहि दिन्नदुक्ख-मुद्दाए निदाए अवसरं । अलं आयंक-संकाए । अहं ते पाहरिओ त्ति खित्तं सत्थरे नलेण निय-निवसणद्धं । वंदिऊण देवं अरहंतं सरिऊण पंच-परमिट्ठि-मंतं पसुत्ता तत्थ दमयंती । निहायंतीए तीए नलेण चिंतियं
जेसिं ससुरो सरणं लहंति पुरिसा न ते पुरिस-लीहं । दमयंतीइ पिइ-हरं ता कह वच्चामि निभग्गो ? ॥