Page Text
________________
प्रस्तावः ]
द्यूतविषये नलचरितम् । अह जइ हढेण एवं काहिसि तत्तो तुमं सई एसा। छारुक्कुरुडं करिही सईण न हि दुक्करं किं पि॥
ता इमं सई कोविऊण मा पडसु अणत्थे । एसा खु भत्तारमणुसरंती उच्छाहिजइ, किं पुण निवारिजइ ?। अलं ते नलं पइ गाम-खेडाइ-दाणेण। समप्पेहि पाहेय-सहियं ससारहिं रहमेकं । एवं अमच्च-भणिएण कूवरेण विसज्जिया नलेण सह दमयंती। समप्पिओ जहुत्त-रहो । नलेण वुत्तं-जेण मए भरहद्ध-विजओवजिया वज्जिया लीलाए लच्छी तस्स मे किं रहेण ? । पहाणेहिं भणिओ नलो-चिरसेवए वि अम्हे तुमं अणुगच्छंते निवारेइ कूबरो । किं चइह वंसे जो राया तं सेवामो त्ति एस अम्ह कमो।
तुमए विइन्न-रज्जं ता मुंचामो कहं एअं १ ॥ संपयं दमयंती चेव तुह भज्जा मंती मित्तं पाइको यो एसा सिरीस-कुसुम-सूमाल-सरीरा सूर-कर-नियर-संतत्त-रेणु-कण-दुग्गमे मग्गे कहं कमल-कोमलेहिं चलणेहिं चंकमिहि त्ति ?।ता नाह ! गिण्ह रह। अणुगिण्ह अम्हे । देवीए समं समारोह इत्थ । एवं पहाणेहिं पत्थिओ पत्थिओ रहमारूहिऊण दमयंतीए सह नलो । पहाणुज्जयं व एग-वत्थं दमयंतिं दद्दूण बाह-बिंदु-दु-गुणिय-हाराहिं रोइयं नगर-नारीहिं । वच्चंतेण नलेण नयरि-मज्झे दिट्ठो हत्थ-पंच-सय-प्पमाणो खंभो। रज्ज-भंसुब्भवं दुक्खं अमुणंतेणेव कोउगेण कयली-खंभो व्व करेण उक्खओ लीलाए। उक्खाय-पडिरोव-रूवं राय-व्वयं व दसयंतेण पुणो वि आरोविओ तत्थेव । इमं दट्टण जंपियं नायरेहिं-अहो ! बल-सालिणो वि नलस्स रज्ज-भंसो त्ति विचित्तो विहि-निओगो। पुव्वं नयरुज्जाणे कूबरेण सह कीलंतस्स नलस्स समागओ दिव्व-नाण-नयणो मुणी। कहियं तेण-भावी भरह-दाहिणद्ध-सामी नलो। सो य चालइस्सइ नयर-मज्झ-ट्ठियं हत्थ-पंच-सय-प्पमाणं थंभं । एयं उभयं पि मिलियं दिळं अम्हेहिं निय-नयणेहिं । जं पुण नले जीवंते वि कोसलाए अन्नो राया संजाओ तं विसंवयइ । अहवा न अन्नहा मुणिवयणं ति । जइ पुण न नंदिस्सइ कूबरो, नलो चेव भविस्सइ एत्थ पत्थिवो । एवं लोय-संलावं सुणंतो रुयंतीए दमयंतीए बाहसलिलेण सिचंत-संदणो नयरीओनिग्गओनलो। भणिया नलेण भीम-पुत्तीदेवि ! कत्थ वच्चामो ? । तीए वुत्तं—देव ! गच्छ कुंडिणपुरं तत्थ पाहूणो होऊण अणुगिह मे तायं । तओ नलाएसेण सारहिणा चोइया कुंडिणाभिमुहं
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |