________________
कुमारपालप्रतिबोघे
[प्रथमः चिंतंतो कूबरो रमावेइ निच्चं । डमख्य-गंठिमिव संचरते जा दुण्हं पि जूएण रमंताणं गओ बहुय-कालो । अन्नया नियइ-वसेण नलेण जिणिउं न सकिओ कूबरो । पडिओ नाणुकूलो नलस्स दक्खस्स वि कंखिओ अक्खो । पुणो पुणो नल-सार-मारणं कुणइ कूरो कूबरो । नगर-गाम-खेड-कव्वडाईणि हाराविओ नलो कूबरेण । तलाओ व्च गिम्हे जलेण जाओ हीयमाणो नलो विहवेण । विसन्नो जणो जूयंधले नले । संपन्जमाण-मणोरहो हरिसिओ कूबरो। नलाणुरत्तेण लोएण कओ हाहारवो । तं सुच्चा समागया दमयंती।
सा जंपइ नाह ! पसीय मज्झ पत्थेमि मुंच जूयमिणं । नणु वसण-दाण-दक्खा अक्खा तुह वेरिणो व्व इमे ॥ लहु-बंधुणो वरं कूबरस्स रजं इमं सयं देहि । एस हढ-हरिय-रजो त्ति अत्तणो मा कुरु अकित्तिं ॥ जुद्धेहिँ अजियं जं रजं तं हारियं व जूएण । सित्थं व असोत्त-गयं मज्झमणं देव दमेह ॥ तव्वयणमंकुसं मय-गलो व्व मत्तो नलो न मन्नेछ । तीइ भणिया अमच्चा जूयाओ नलं नियत्तेह ॥ तेहिं पि बहुं भणिओ तहवि नियत्तो नलो न जूयाओ। न हि सन्निवाय-गहियस्स ओसहं किं पि संभवइ ॥ हारिय-समग्ग-रज्जो हारिय-दमयंति-पमुह-सुद्धंतो। हारिय-सरीर-परिहिय-सयलाभरणो नलो राया ॥ भणिओ य कूबरेणं मह रज्जं मुंच इत्थ मा चिट्ठ । तुह रज्जं दिन्नं पिउणा, अक्खेहिं पुणो मज्झ ॥
पवल-भुय-बलाणं भद्द ! लच्छी न दरे
परिहर मयमेवं कूबरं जंपमाणो । परिहिय-पड-रित्यो पत्थिओ सो पहिहो
न हि विधुर-सहावा हुंति दुत्थे वि धीरा ॥ नलाणुमग्ग-लग्गा दमयंती निसिद्धा कूबरेण । मयच्छि ! मागच्छ तुम, मए जूए जियाऽसि त्ति मे सुद्धंतं अलंकरेसु । तओ मंतीहिं वुत्तो कूबरो । परपुरिस-च्छायं पि न छिवइ महा-सइ दमयंती। ता मा इमं खिवसु निय-अंतेउरे । जओ जेट्ट-भाउणो भज्जा जणणि व्व दट्टव्वा ।
Jain Education International
For Private & Personal Use Only
www.jainelibrary.org,
