Page Text
________________
५३
प्रस्तावः
द्यूतविषये नलचरितम्। किं च मए तुम्भ हियं विचिंतयंतेण पेसिओ दूओ। अन्नह अतकिओ चिय अहं करितो तुह विणासं ॥ इय दूय-वयणमायन्निऊण दसणग्ग-दट्ट-ओह-पुडो। अप्पाणमयाणंतो कयंबराओ भणइ दूयं ॥ तुब्भ पहू किं बालो ? किं मत्तो ? किं च वायमुत्तो सो ? । जो सयल-रिउ-भुयंगम-गरुडं न वियाणइ ममं पि ॥ गुण-दोस-वियार-खमा किं तस्स न संति मंतिणो के वि ? ।
जेहिं नलो न निसिद्धो असमंजस-जंपिरो एवं ॥ भो दूय ! गच्छ जइ तुह सामी निय-जीवियस्स निम्विन्नो ता होउ समर-सज्जो; अहं पि दुय ! आगओ एसो।।
दूएणवि आगंतुं नलस्स कहियं कयंब-वजरियं । तस्सोवरि सो कुविओ चलिओ चउरंग-बल-कलिओ ॥ पत्तो तक्खसिलाए समंतओ वेढिया अणेणेसा ।
पायारो व्व दुइज्जो विहिओ कुंजर-परिक्खेवो ॥ तं असहंतो संनहिऊण निग्गओ बाहिँ कयंबो। विविह-पहरण-किरणदुगुणिय-दिण-मणि-पहा-पसरं सर-नियर-रुद्ध-नह-मंडलं मंडलग्ग-संघह-समुच्छलिय-सिहि-सिहा-भासुरं सुर-सिद्ध-जक्ख-पिक्खिजंत-नचंत-कबंध-निवहं वहंत-रुहिर-वाहिणी-कमलायमाण-भड-मत्थयं दोहिं वि बलेहिं पारडं जुद्धं । नलेण भणिओ कयंबो-मारिएहिं किमिमेहिं किमि-प्पाएहिं पाइकेहिं ?। अहं तुमं च दो वि जुज्झामो । तओ जंगम-गिरिणो व्व पवत्ता दो वि बाहुजडाइएहिं जुज्झिउं । जं जं जुद्धं कयंबेण मग्गिओ नलो तत्थ तत्थ नलेण निजिओ सो। तओ पलाइऊण पडिवन्न-संजमो ठिओ पडिमाए कयंबो। दिट्टो नलेण, भणिओ य-निजिओऽहं तुमए इमिणा सच्चरिएण, ता करेसु निय-रजं । निरीहत्तणेण नलोऽनिलो व्व असारो त्ति उवेक्खिओ कयंबेण । कयंब-सत्तरंजिय-मणेण नलेण कयंब-पुत्तो जयसत्ती नाम कओ कयंबरज्जे ।
विण्हुस्स व नलस्स भरहद्ध-रज्जाभिसेओ कओ नरिंदेहिं । पए पए भत्ति-कुसल-राय-कोसलीय-वडूंत-कोसो कोसलाए समागओ गयणचरंगणा-गण-गिज्जंत-बलो नलो विविह-विणोएहिं दमयंतीए समं रमंतो गमेइ कालं । कूबरो पुण निय-कुलंगारो रज-लुद्धो नलस्स छलं गवेसंतो चिट्ठइ । चंदस्स व लंछणं भवियव्वया-वसेण जायं नलस्स जूय-वसणं, जिणेमि रजं नलं ति
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |