Page Text
________________
५२ -
कुमारपालप्रतिबोधे
[प्रथमः निप्पचूहं पहे पयर्ट बलं । कोसलापुरी-परिसरं गएण भणिया नलेण दमयंती, देवि ! जिण-भवण-मंडिय-प्पएसा एसा मे पुरी । तीए भणियं-धन्नाऽहं जा लडूण नलं नाहं निच्चमच्चिस्सं चेइयाइं। अंह पसत्थ-दियहे बहु-प्पवंच-मंच-वित्थरिय-रिद्धि-डंबरं पह-भवण-पणच्चिय-धयंचल-चुंबियंबरं विविह-तर-रवाऊरियदियंतरं नच्चंत-तरुणि-चक्क-निरंतरं पए पए कीरंत-मंगलो नलो पचिट्ठो नयरिं। पणमिया दमयंती-सहिएण तेण जणणि-जणया । अहिणंदिओ जेहिं एसो। तओ नलो दमयंती य कयाइ जल-कीलं कुणंति । कयाइ दोलंदोलण-सुहं अणुहवंति । कयाइ सयं गुच्छ-सुरहि-कुसुमेहिं परोप्परं विचित्त बंधं धम्मेल्लं पूरंति। कयाइ अक्ख-जूएण रमंति । कयाइ सयं विविहाउज-वायण-परो रहसि दमयंतिं नलो नचावेइ । एवं नलो दमयंतीए अविउत्तो नव-नवेहिं विणोएहिं कालं वोलेइ । अन्नया नलं निय-रजे कूबरं च कुमरत्ते ठाविऊण पडिवन्नं निसहेण समणत्तणं।
अनलो व्व नलो दुव्विसह-तेय-पसरो सरोस-वेरीहिं । पत्थिव-मत्थय-पणमिय-पय-कमलो पालए रजं ॥
अन्नया नलेण पुच्छिया मंतिणो-जणओवजियं चेव किमहं महिं पालेमि ?, अओ अहियं । तेहिं भणियं-ति-भागूणं भरहद्धं भुत्तं निसहेण । तुमं पुण सयलं भरहद्धं भुंजसि । ता जुत्तं पुत्तो पिउणो अहिओ त्ति । किं तु पुरी तक्खसीला अत्थि इओ दोहिं जोयण-सएहिं । तत्थ कयंवो राया । सो तुह आणं न मन्नेइ।
तुह जस-ससिंमि विमले समत्त-भरहद्ध-विजय-संभूए ।
उव्वहइ दुव्विणीओ एसो चिय लंच्छण-च्छायं ॥ एसो य तुमए उविक्खिओ रोग-लेसो व्व लडोवचओ दुसज्झो जाओ। जइ पुण इमं पइ पराजय-मणं कयं ता पव्वय-भट्ठो घडो व्व विणहो चेवएसो। अओ पढमं दूय-पेसणेण से मुणिजउ मणं । पच्छा जहा-जुत्तं किजउ त्ति । तओ सिक्खविऊण पेसिओ विचित्त-भणिइ-कुसलो दूओ । गंतूण तेण भणिओ निधिलंबं कयंबो।
वेरि-वण-दहण-दावानलेण पहुणा नलेण आणत्तं । मह पडिसेवं पडिवजिऊण पालेसु नियरजं ॥ अह न करिस्ससि एवं सील-भट्ठो मुणि व्व सुकयस्स । पाविहिसि परिन्भंसं इमस्स सत्तंग-रजस्स ॥
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |