Kumarpal Pratibodh

SR No.: 001873
Original Sutra Author: Somprabhacharya
Author: Jinvijay
Publisher: Central Library
Publication Year: 1920
Total Pages: 564
Language: Prakrit
Classification: Book_Devnagari, Story, & Literature
File Size: 11 MB

Page 128

प्रस्तावः]
चूतविषये नलचरितम्। याओ, ता तुमं परिचत्त-संत-मग्गो मए सिक्ववियव्वो त्ति करवालं घेत्तूण उटिओजलंत-कोवानलो नलो। दोण्हं पिसंनडाई विविह-पहरण-भीसणाई सिनाई । तओ चिंतियं दमयंतीए-हा ! किं मंद-भग्गाऽहं जं मह कए उवडिओ एस पलओ, ता जइ मह अरहंते भत्ती तो भयवइ सासण-देवि ! लहउ विजय-लच्छिं नलो, उवसमउ समरं ति भणंतीए गहिओ वारि-भिंगारो। खित्ताओ तिनि तोय-च्छडाओ । कण्हराओ तोएण फरिसियंगो अंगारो व्व निव्वाणो नित्तेओ जाओ। पक्क-पत्तं व पायवाओ पडियं से मंडलग्गं करग्गा
ओ। निव्विसो विसधरो व्व रोस-रहिओ कण्हराओ चिंतिउं पवत्तो । अजुत्तं मए नलं पइ पलत्तं। न सामन्न-पुरिसो एसो । ता मे पणमिउं जुज्जइत्ति । तओ तेण पणाम-पुव्वं खमाविओ निययावराहं नलो।
संभासिउं नलेण वि विसजिओ कण्हपत्थिवो पणओ। .
जं पणय-वच्छला उत्तम त्ति सच्चं बुहा बिंति ॥ नल-चरिएण तुट्ठो भीमो सक्कारिऊण विसज्जिया तेण सेस-पत्थिवा। कराविओ महा-विच्छड्डेण दमयंतीए कर-ग्गहणं नलो। दिन्नाई नलस्स कर-मोयणे अणेय-करि-तुरय-रयणालंकार-वत्थाईणि । एवं भीमेण संमाणिजंतो ठिओ तत्थ कइवय-दिणाई । तेण कयाणुगमणो पत्थिओ निय-नयरिं नलो। दमयंती वि नलेण सह वचंती भणिया जणणीए।
जंपेज पियं, विणयं करिज, वजेज पुत्ति ! पर-निंदं । - वसणे वि मा विमुंचसु देह-च्छाय व्व निय-नाहं ॥
तं सिक्खं पडिवजिऊण कय-प्पणामा विसजिया जणणी-जणएहिं पत्थिया दमयंती। रहमारोविऊण नलेण निवेसिया निय-उच्छंगे।तओ चउरंग-बलुक्खय-खोणि-रेणु-नियरेण रुद्ध-नह-मंडलस्स नलस्स वच्चंतस्संतराले अत्थं गओ गयण-मणी । पूरियं भुवणं विहिय-दिष्टि-प्पसर-संरोहेण तिमिर-संदोहेण । न लक्खिजए जल-थल-तरु-गिरि-गड्डाइ-विसेसो । तहवि निय-नयरुकंठिय-मणो गमणाओ न नियत्तए नलो।
संरुड-दिहि-पसरं बलं खलंतं पडतमवडेसु ।
गच्छंतमुप्पहेणं दुहुँ भणिया नलेण पिया ॥ देवि ! जग्गसु खणं पयासेसु भाल-तिलय-तरणिं । जओ तिमिर-तिरोहिय-नयण-मरगं समग्गं बलं अबलं गंतुं । उढिऊण दमयंतीए करेण परामुढें भाल-बदं । फुरिओ फार-पहा-निलओ कयंधयार-विलओ तिलओ । तओ