Page Text
________________
कुमारपालप्रतिबोधे
[प्रथमः कुमरीए वुत्तं-कविजले ! अइरमणीया वरमाला विणिम्मविया। भदाए चिंतियं-अप्पडिवयणमेव इमस्स नरिंदस्स पडिसेहो । तओ अग्गे गंतूण वुत्तं भद्दाए।
कलयंठ-कठि ! कंठे कलिंग-वइणो जयस्स खिव मालं ।
करवाल-राहुणा जस्स कवलिया वेरि-जस-ससिणो॥ कुमरीए वुत्तं-ताय-समाण-वय-परिणामस्स नमो एयस्स! तओ भद्दाए अग्गओ गंतूण भणियं
गय-गमणि ! वीर-मउडो गउड-वई तुज्झ रुच्चइ किमेसो ? ।
जस्स करि-नियर-घंटा-रवेण फुइ व बंभंडं ॥
कुमरीए जंपियं-अम्मो ! एरिसं पि कसिण-भंसणं माणु-साणं एवं होइ त्ति तुरियं अग्गओ गच्छ । वेवइ मे हिययं । तओ ईसि हसंती गया अग्गओ भद्दा जंपिउं पवत्ता ।
पउमच्छि ! पउमनाहं अवंति-नाहं इमं कुणसु नाहं ।
सिप्पा-तरंगिणी-तीर-तरु-वणे रमिउमिच्छंती ॥ कुमरीए वुत्तं-हद्धि परिस्संत म्हि इमिणा सयंवर-मंडव-संचरणेण, ता किच्चिरं अज वि भद्दा जंपिस्सइ । चिंतियं च भद्दाए-एसो वि न मे मणमाणंदइ त्ति कहियं कुमरीए । ता अग्गओ गच्छामि त्ति तहेव काउं जंपिउं पवत्ता भद्दा ।
एसो नलो कुमारो निसह-सुओ जस्स पिच्छिउँ रुवं ।। ___ मन्नइ सहस्स-नयणो नयण-सहस्सं धुवं सहलं ॥ चिंतियं विम्हिय-मणाए दमयंतीए-अहो ! सयल-रूववंत-पच्चाएसोअंगसंनिवेसो, अहो ! असामन्नं लावन्नं, अहो ! उदग्गं सोहग्गं, अहो ! महुरिमनिवासो विलासो, ता हियय ! इमं पइं पडिवजिऊण पावेसु परम-परिओसं ति । तओ खित्ता नलस्स कंठ-कंदले वर-माला । अहो ! सुवरियं सुवरियं ति समुट्टिओ जण-कलयलो । एत्यंतरे खग्गं कड्डिऊण नलमक्खिविउं पवत्तो कण्हराओ । भो नल ! न लब्भए दमयंती परिणे । अजुत्तं कयं इमीए जं तुमं वरिओ। न मं मुत्तुं अन्नो उचिओ इमीए । ता मुंच एयं जुज्झसज्जो वा होहि । नलेण भणियं-अरे नराहम ! जइ तुमं न वरिओ दमयंतीए ता किं दूमिओ सि ? । संपयं पुण ममंमि वरिए एयं परिस्थियं पत्थंतो न गणेसि कुल-कलंक, नासंकसे अयस-पंकं, न लजसे लोआओ, न बीहसे परलो
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |