________________
कुमारपालप्रतिबोधे
[प्रथमः जायंति गुणा वसणस्स हेउणो जत्थ अच्छरियं ॥ इक्खागु-कुलुप्पन्नो निरुवम-नय-चाय-विक्कम-प्पुन्नो।
अरि-पत्थिव-दुव्विसहो निसहो नामेण तत्थ निवो ॥ तस्स सुंदरी-देवी-कुक्खि -संभूया जण-मणाणंदणे दुवे नंदणा, नलो कूबरो य । इओ य विभ-देस-मंडणं कुंडिणं नयरं । तत्थ अरि-संघ-सिंहसरहो भीमरहो राया। तस्स सयलंतेउर-तरु-पुष्पं पुप्फदंती देवी । ताणं विसय-सुहमणुहवंताण समुप्पन्ना सयल-तइलोकालंकार-भूया धूया।
तीए तिलओ जाओ सहजो भालंमि तरणि-पडिबिंबं ।
सप्पुरिसस्स व वच्छ-त्थलंमि सिरिवच्छ-वर-रयणं । जणणी-गब्भ-गयाए इमीए मए सव्वे वेरिणो दमिय त्ति पिउणा कयं तीए 'दमयंतिः त्ति नामं । सिय-पक्ख-चंद-लेह व्व सव्व-जण-नयणाणंदिणी पत्ता सा वुढेि । समए समप्पिया कलोवज्झायस्स।
आयंसे पडिबिंब व बुद्धि-जुत्ताइ तीइ सयल-कलाओ। संकेताओ जाओ य सक्वि-मत्तं उवज्झाओ ॥ मुणि-जण-सेवा-वसओ सम्मत्तं पाविऊण सा जाया। दुरवगम-कम्म-पयडि-प्पमुह-वियारेसु कुसल-मई ॥ तीए य पवयणत्थं पयंपमाणीऍ महुर-वाणीए। पिउणो वि हु जणणीए जणिया जिण-धम्म-पडिवत्ती ॥
पगिट्ट-पुन्न-पेरियाए निवुइ-देवयाए समप्पिया तीए भावि-संति-जिणस्स कणयमय-पडिमा । भणिया य सा-वच्छे ! इमा तुमए निच्चमच्चणिजा। सा वि तं पडिवजिऊण तहेव काउमारद्धा । पत्ता य सा रम्म-महा-राय-लीला-वणं जुव्वणं । तं दट्टण चिंतियं जणणी-जणएहिं
एसा असरिस-रूवा विहिणो विन्नाण-पगरिसो एसो। जेणेसा निम्मविया दलेण तं इत्तियं चेव ॥
ता नत्थि इमीए समाण-रूवो वरो। अत्थि वा तहवि सो न नजइ। अओ सयंवरो काउंजुत्तो। जेणं तत्थ निय-इच्छाए इमीए (2) अणुचिय-वर-पयाण-जणिओ दोसो अम्ह होइ त्ति । तओ पेसिऊण दूए हक्कारिया रायाणो राय-पुत्ता य। आगया गय-तुरय-रह-पाइक्क-परियरिया ते । नलो वि निरुवम-सत्तो पत्तो तत्थ । भीम-निवइणा कय-सम्माणा ठिया ते पवरावासेसु । कराविओ कणय
Jain Education International
For Private & Personal Use Only
www.jainelibrary.org
