________________
प्रस्ताव: ]
कुन्दकथानकम् ।
न हि कजं निक्कारणमुप्पज्जइ अइपंसगाओ ॥ तो पुच्छर पुव्व-कर्यं सुह- दुक्ख - निमित्तसप्पणो राया । कहइ गुरू पुव्व-कयं वय-भंगं दो वि तं सुणिउं ॥ सुमरंति पुव्व- जम्मं अवितहमेयं ति दो वि जंपंति । पडिबुज्झइ बहु-जणे वय-भंग विवाग-सवणेण ॥ परम-पय- साहणं ताण होइ सिद्धंत-सवण- परिणामो । दुन व अणुब्वयाई गुरु-पय-मूले पवजंति ॥ मणि - कणय - मंडियाइं पुरे पुरे जिण -हराइँ कारंति । सील-समिद्वाण मुणीण पय-जुयं पज्जुवासंति ॥ इय पालिऊण सम्मं चिरकालं सावगत्तणं दो वि । गिण्हंति संजम भरं विवेगिणा परियणेण समं ॥ काऊण तवं तिव्वं दुन्नि वि समए समाहिणा मरिउं । वचंति बंभ - लोए कमेण मोक्खं च पार्वति ॥
जो पुण नियममखंड पालिज अवज्ज- वज्जणुज्जुत्तो । सो पुरिसो पर लोए सोक्खमखंडं लहइ नूणं ॥
जो य न करेज नियमं निम्मो जो कयं च भंजिजा । सो मंस-भोग- गिडो नरयाइ-कयत्थणं लहइ ॥
ता महाराय ! जुत्तं तुमए कयं जं सत्तण्हं महा-वसणाणं दुवे पारद्धी मंसं
च परिचत्ताणि । सेसाणि वि सव्वाणत्थ- निबंधणाणि परिहरियव्वाणि । तत्थजं कुल-कलंक - मूलं गुरु-लज्जा - सच्च-सोय-पडिकूलं । धम्मत्थ-काम-चुक्कं दाण- दया-भोग- परिमुक्कं ॥ पिय- मायभाय- सुय-भज्ज-मोसणं सोसणं सुह-जलाणं । सुगइ - पडिवक्ख भूयं तं जूयं राय ! परिहरसु ॥ जूय- पत्तो सत्ता समत्त वित्तस्स कुणइ विडंसं । हारिय-असेस - रज्जो इह दिहंतो नलो राया ॥
द्यूतविषये नलचरितम् ।
रन्ना भणियं - को सो नलो ? । गुरुणा वृत्तं - सुण, अत्थि इह भरह खित्ते कोसल- देसंमि कोसला -नयरी |
Jain Education International
४७
For Private & Personal Use Only
www.jainelibrary.org
