Page Text
________________
कुमारपालप्रतिबोधे
[प्रथमः दोसो । दंतुन्भेय-काले गहिया अम्बरे रेवइहिं । पीडिया दढं । कयाइं उचियविहाणाई, तहावि से न दुक्ख-क्खओ होइ।
सा जुव्वणमारूढा तत्तो सयमेव वाहिणा मुक्का। जाया मयंक-भुत्ति व्व राहु-वमिया दढं रम्मा ॥ वयणेण लोयणेहि य जीए विजियाइँ तजियाई व ।
कमलाणि मइ-कुलाणि य वण-वास-वयं पवन्नाई॥ इओ य राया महासेणो सेवग-जणं पुच्छइ-कस्स पुन्नेहिं रिद्धिं तुम्भे विलसह ? । ते वि भणंति-देव! तुम्ह पुन्नेहिं । तओ ते संपूइअ विसज्जेइ राया। अन्नया दिमिणं देइणीए । हसिऊण भणियमणाए-अहो! तायस्स मुडया, जोएवमेएहिं विप्पयारीयइ । मुयमेयं माय-सवत्ति-चेडीए । भणियमणाएसामिणि ! का एत्थ विप्पयारणा ? । किं न एवमेयं ति ? । देइणीए भणियं-न पर-पुन्नेहिं को वि सिरिं भुंजइ त्ति परमत्थो । कहियमिणं चेडीए रन्नो । कुविओ राया। सद्दाविया देइणी । भणिया अणेण-कस्स पुन्नेहिं तुह एसा सिरी? । तीए वुत्तं ताय ! परमत्थओ अप्प-पुन्नेहिं । जओ
निय-सुकय-दुकयाणं फलाइँ भुंजंति जंतुणो सव्वे ।
संपत्ति-विपत्तीसुं निमित्त-मित्तं परो होइ ॥ एयं सोऊण अहियं कुविओ राया। सदाविया अणेण दंडवासिया । भणिया य सगोरवं-भो ! जो कोइ तुब्भेहिं दिट्टो एत्थ नयरीए अचंत-दुक्खि
ओ सत्तो तमेत्थ सिग्घं आणेह । तेहिं वुत्तं-जं देवो आणवेइ । न अन्नो इओ वि दुक्खिओ त्ति आणिओ रायहंसो । दंसिओ रन्नो । भणियं रन्नाअहो जहिच्छिओ एसो । अवन्नाइ दंडि-खंडियादि परिहाविऊण परिणाविओ देइणिं । समाणत्तो य समं तीए निव्विसओ। विसेसेण वुत्ता देइणी-माणेसु अप्प-पुन्नाई । तीए वुत्तं-जं तुमं आणवेसि । किलेसेण निग्गयाणि नयराओ। मिलियाणि उत्तरा-वह-गामिए सत्थे । दिवो देइणीए सत्थ-वई । कहिओ से वुत्तंतो । भणिओ य स-बहु-माणं । जाव ताय-संतियं विसयं उत्तरामो ताव तए नेयव्वो एस मे भत्तारो। पडिवन्नं सत्थवाहेण । समप्पिओ से महिसगो। कमेण पत्ताणि अन्न-रहें । आवासिओ सत्थो अडवीए । देइणी वि भत्तारं गिहिऊण ठिया तयासन्ने । भूयसाया-पीढे कओ तीए तरु-पल्लवेहिं सत्थरो। भुवन्नो तत्थ एसो। समागया से निद्दा । देइणी वि सीसं से कुरुमालती चिट्ठइ । इओ य जा पुव्वं कुमार-माया मंगला देवी कुरुचंद-मरणे मया समाणी तद्देसे वंतरी समुप्पन्ना । तीए दिट्ठो रायहंसो, पञ्चभिन्नाओ य । तओ दिव्व-सत्तीए
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |