Kumarpal Pratibodh

SR No.: 001873
Original Sutra Author: Somprabhacharya
Author: Jinvijay
Publisher: Central Library
Publication Year: 1920
Total Pages: 564
Language: Prakrit
Classification: Book_Devnagari, Story, & Literature
File Size: 11 MB

Page 120

प्रस्तावः]
कुन्दकथानकम।
४३
सिरिक-ठदेस-भूसणमत्थि जयंती-पुरी पवित्त-पया। जा सुर-सरि व्व रेहइ न य अन्न-वसंगया किंतु ॥ तं पालइ कुरुचंदो राया चंदो व्व कय-जणाणंदो । संचरइ अणह-मग्गे ण जं इमो तं महच्छरियं ॥ तस्स परमंग-लायन्न-संगया अत्थि मंगला देवी ।
कुंदो मरिचं तीए गन्भे पुत्तो समुप्पन्नो ॥ दिट्ठो अ णाए सुविणयंमितीए चेवरयणीए रायहंसो वयणे पविसमाणो। सुह-विउडाए साहिओ जहा-विहं रन्नो । भणिया तेण-सुंदरि ! रायहंसो ते पुत्तो भविस्सइ । पडिसुयमिमीए । परितुहा चित्तेण । अइक्कतो को वि कालो। जाओ से दोहलो, करेमि जिण-मुणि-पडिवत्तिं । संपाडिओ से रन्ना । पसूया एसा । जाओ दारगो । कयं वडावणयं । समए पइडियं नामं दारगस्स मुविणाणुसारेण 'रायहंसो' त्ति । समाइझं महा-रजं नेमित्तिगेण । अइकंतो को वि कालो । जाव चेव न जोव्वणं पावइ ताव मरण-पज्जवसाणयाए जीव-लोगस्स मओ से पिया । अणुगमिओ मंगलाए बालो रायहंसो त्ति । ठिओ रजंमि एयस्स चुल्ल बप्पो सिरिचंदो । कओ तेण एसो जुवराओ । इओ य वय-भंगकम्म-दोसेण मम पुत्तस्स रज-परिपंथी एसु त्ति जाओ चुल्ल-बप्प-घरिणीए रजा-देवीए रायहंसंमि मच्छरो । जओ
सुहगो त्ति गव्वमुब्वहउ मच्छरो सयल-तिहुयणे एको।
जो महिलाण खणं पि हु हिययाओ न दूरमोसरइ ॥ दिन्नं तीए तस्स कम्मणं । अचिरेणाहिओ एस जलोयर-वाहिणा। उम्माहिओ राया। पारद्धो किरिया-कम्मो । न य वाही नियत्तइ । अह सत्तुणा पचंत-विसओ हओ त्ति गओ धाडीए राया । दुग्ग-भूमि-बलेण न सो जिप्पड़ त्ति जाओ तत्थेव विग्गहो । एत्थंतरे देवीभाव-न्नुणा परिभूओ एस परियणेण । न से को वि किंचि वि करेइ । चिंतियं अणेण-मम घरं चेव विदेसो ता वरं सो चेव विदेसो त्ति छिद्देण निग्गओ राय-गेहाओ नगरीओ य । महया किलेसेण गामाउ गार्म भमंतो गओ उजेणीए । तत्थ अईव घत्थो वाहिणा परिसकिउं पि न सकइ । ठिओ देवउले । तत्थ लोओ दयाए देइ मंडगाइ । एवं महा-किलेसेण अइकंतो को वि कालो। सा हि पुव्व-जम्म-घरिणी मंजरी आउ-क्खएण मया समाणी समुप्पन्ना इमीए चेव उज्जणीए महासेणस्स रन्नो सेणाए महा-देवीए 'देइणि' त्ति धूया। इमीए वि वियंभिओ वय-भंग-कम्म