________________
४० कुमारपालप्रतिबोधे
[ प्रथमः सव्वं सुत्थं करेहि' त्ति चिंतंतो आगओ अभओ अभयसीहो । रयणीए पच्छन्नं हणिस्सामित्ति सो समप्पिओ पाइकाणं । ते वि तं जत्तेण रक्खंति । पओसे अदिस्सीभूओ एसो। तओ तत्थवि चिटुंतं पितं अपेच्छंता पाइक्का जंपिउं पया 'कहिं पि गओ एसोत्ति सुयमिणं रन्ना । मा नाम मे धूयं हरहि त्ति चिंतंतो राया पत्तो पासाओवरिम-तलं जत्थत्थि कणगवई । तत्थेव पसुत्तेण रन्ना दिट्ठो सुविणो-कणगवई भुयाए वेत्तूण अभयसीहो वच्चंतो, 'अरे कहिं वचसि ? " त्ति भणंतो करवालं कड्डिऊण धाविओ राया । रोसावेस-वसओ वीसारिऊण उवरिम-तलावत्थाणं निवडिओ पासायाओ । भूमि अपत्तो चेव मुक्को पाणेहिं । 'पावायारी सयमेव पडिओत्ति' परितुट्ठो पुर-लोओ। 'संपयं को रज्जे ठविजउत्ति परोप्परं पयंपमाणाण पहाणाणं भणियं गयणंगण-गयाए वंतरीए 'वीरसेणराय-पुत्तं अभयसीहं रजे ठावेहि त्ति । 'तह' त्ति पडिकाऊण ठाविओ एसो। परिणीया अणेण कणगवई । वसीकय-समत्त-सामंत-वग्ग तिवग्ग-संपायणसमग्गं अभग्ग-मणोरहं रज्जं भुंजंतस्स तस्स वच्चए कालो।
अह जाया से चिंता पुव्व-भवे किं मए कयं कम्मं? । जं लंघिय-वसण-गणो संपत्तो रज-सुक्खमहं ॥ तो नाणसूर-नामो अइसय-नाणी समागओ सूरी। तं वंदिउँ निसन्नो पुच्छइ निय-संसयं राया ॥ कहइ गुरू पुव्व-भवे ससय-वहे जं तुमं पयहो सि । न उण हओ सो पच्छा कया तए जं च वह-विरई ॥ तं वसण-गओ वि अणत्थ-वजिओ पाविओ सि रज्ज-मुहं । तो जाय-जाइसरणो संमत्तं गिण्हए राया। कुणइ जिण-साहु-भत्तिं जीवाण वहं निवारए रज्जे । कालेण समाहि-परो मरि तियसालयं पत्तो ॥ इय जीव-दया-रूवं धम्मं सोऊण तुट्ठ-चित्तेण । रन्ना भणियं मुणि-नाह ! साहिओ सोहणो धम्मो ॥ जओ
एसो मे अभिरुइओ एसो चित्तंमि मज्झ विणिविट्ठो। एसो चिय परमत्थेण घडए जुत्तीहिं न हु सेसो॥ मन्नंति इमं सव्वे जं उत्तम-असण-वसण-पमुहेसु ।
Jain Education International
For Private & Personal Use Only
www.jainelibrary.org
