Page Text
________________
प्रस्तावः ]
अभयसिंहकथानकम् । चलिओ सो अभयसीह-संमुहं । भामिओ तेण चक्कन्भमेण । परिस्संतस्स तस्स चडिओ विज्जुक्खित्त-करणेण खंधि एसो । गहिऊण अंकुसं अप्फालिओ कुंभ-त्थले हत्थी।वसीकाऊण चालिओ राय-कुलं। 'अहो पियमित्त-पुत्तो महासत्तो एसो त्ति' समुच्छलिओ लोय-वाओ। दिट्ठो साहिलासाए ट्ठिीए रायधूयाए। नयर-नारी-नीलुप्पल-मालाहिं अचिजंतो पत्तो राय-कुलं अभयसीहो। दिट्टो रन्ना, चिंतियं च-इमाए आगिईए इमिणा परकमेणं करिस्सइ नूणमेसो रज्जं, तहावि पुरिसयारो न मुत्तव्यो त्ति । तओ आणत्ता सुहडा, जहावाणि-उत्त-मित्तेण हत्थी वसीकओत्ति मे अकित्ति-कारओ करिणो अवयरिओ निग्गहियब्यो एसो त्ति । अभयसीहेण नीओ आलाण-खंभं करी । ओइन्नो सो करिणो । 'हण हण' त्ति भणंता धाविआ सुहडा । अदिस्सीहोऊण गओ एसो। विलक्ख-चित्ता नियत्ता सुहडा । कहियं तेहिं रन्नो, पहरिउं पयवाणं अम्हं पणहो एसो । रन्ना वुत्तं-तुब्भे वि किलीब त्ति ।
अह विन्नत्तो राया पडिहारीए वसंतसेणाए।। कणगवई-कुमरीए देवो मुणइ च्चिय सरूवं ॥ राय-सुयाण बहूणं चित्त-गए पेच्छिउं पडिच्छंदे । चित्तहरे वि इमीए कहिं पि चित्तं न वीसंतं ॥ संपइ पयंड-करि-संभमाओ मोयाविया इमा जेण । तंमि दुहुँ अणुरत्ता पियमित्त-सुए अभयसीहे ॥ भणिया य सा मए हे मयच्छि! सो अणुचिओ वणि-सुओ त्ति । तो कुमरीए वुत्तं खत्तिय-कुमरो धुवं एसो ॥ अन्नह कयंत-करणिं करिंदमेयं कहं वसीकुज्जा ?। नजइ कुलं विसालं विसाल-चरिएण पुरिसस्स ॥ जइ एस राय-पुत्तो न होज तो मह मणं पि न हरेजा। संसय-पए पयत्थे मणुयाण मणं चिय पमाणं ॥ किंच करि-संभमं रक्खिऊण मे जेण जीवियं दिन्नं । तं मुत्तुं जइ अन्नं महामि तो होमि अकयन्नू ॥
एयं सुच्चा चिंतियं रन्ना-तहवि एसो मए वावाइयव्वो त्ति । तो पडिहारी-समक्खं आणत्तो तलवरो, हक्कारसु पियमित्त-पुत्तं अभयसीहं । जओ अणेण कुमरी करि-संभमाओ मोइया ता एयं सकारेमि त्ति । तलवरेण गंतुंकहियं से राय-सासणं । विरुद्ध-मणं मुणतो वि रायाणं 'पुव्व-भव-जणणी देवी मे
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |