Page Text
________________
कुमारपालप्रतिबोधे
[प्रथमः
अह भूय-पिया पुच्छइ भविस्सए सामि ! एत्थ को राया ? । भूएण भणियमेयं सुण सुयणु ! कहेमि अविअप्पं ॥ नरवइ-आण जु लंघिहइ वसि करिहइ जु करिंदु। हरिहइ कुमरि जु कणगवइ होसइ इह सुनरिंदु ॥
एवं वोत्तूण तिरोहियं भूय-मिहुणं, उवसंतं पवण-डंबरं । भूय-मिहुणुल्लावं सोचा मरण-भउभंत-चित्तेण रन्ना आणत्तो नयरारक्खो-जो मह आणं लंघेइ सो तुमए निगहेयव्वो।
अह कोइल-कुल-रव-मुहुलु भुवणि वसंतु पयट्टु । भट्ट व मयण-महा-निवह पयडिअ-विजय-मरट्ट ॥ सुरु पलोइवि कंत-करु उत्तर-दिसि आसत्तु । नीसासु व दाहिण-दिसय मलय-समीर पवत्तु ॥ काणण-सिरि सोहइ अरुण-नव-पल्लव-परिणद्ध । नं रत्तंसुय-पावरियमहु पिययम-संबद्ध ॥ सहयारिहि मंजरि सहहि भमर-समूह-सणाह ।
जालाउ व मयणानलह पसरिय-धूम-पवाह ॥ तंमि वसंते मज्झ-रत्ते अभयसीहो देवयाययणे पेक्खणं पिक्खिऊण सभवणं वचंतो भणिओ नयरारक्खेण-भद्द! मा वच्च, चिट्ठ खणं, कहसु अत्ताणं, को तुमं ति?। न ठिओ अभयसीहो । नयरारक्खेण दिन्ना रन्नो आणा । देसु निय-पिउणो रन्नो आणं ति भणंतो अभयसीहो वच्चइ । तओ गहिय-खग्गो 'हण हण , त्ति भणंतो धाविओ तस्स पिट्टओ नयरारक्खो । तमांगच्छंतं पिच्छिऊण अदिस्सी होउं गओ अभयसीहो । जाओ नयरारक्खो विलक्खो। पहाए विन्नत्तमेयं रन्नो । रन्ना वुत्तं-किलीबो तुमं जं न सकिओ सो निग्गहिउँ ति । अन्नया मय-परव्वसो उम्मूलिऊण खंभं वियरिओ पट्ट-हत्थी। कयं अणेण नयरे असमंजसं। अत्थि य रन्नो कन्ना कणगवई, जीए काय-कंतीए कणगं विलजियं व जलणे पडइ बहुसो । सा उजाणाओ मयण-पूअं निव्वत्तिऊण नियत्तमाणी दिहा करिणा । धाविओ सो तस्संमुहं । अद्ध-गहिया सा तेण । पुकरियं परियणेण-अस्थि कोइ चउद्दसी-जाओ जो अम्ह सामिणिं इमाउ कयंताउ व्व भयंकराओ करिणो रक्खेइ । भवियव्वया-वसेण सुयमिणं अभयसीहेण । करुणाए धाविऊण 'अरे दुरप्प ! मायंगो सि, न लजसे इत्थी-वहं कुणंतो तुमं ?' ति वुत्तूण आहओ कुलिस-कढिण-मुट्टिणा पच्छिम-भागे करी।मुत्तूण राय-कन्नं
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |