________________
३७
प्रस्तावः]
अभयसिंहकथानकम् । नाम देवी अहं । तुमं मह गम्भ-संभवो पुत्तो। तुह पिया वीरसेण-राओ विणासिओ इमिणा माणभंगेण । अहं पि मरिऊण वंतरी जाया। ता सत्तु-पुत्तस्स तुह विरुद्धो एस राया । अओ गिण्ह तुमं तक्खणा पढिय-सिद्धं अदिस्सीकरण-मंतमेयं । 'भयवइ ! महंतो अणुग्गहो। त्ति वुत्तूण पडिच्छिओ मंतो अभयसीहेण । तिरोहिया वंतरी।
अह माणभंग-नरवई निच्चं पि हु मांस-भक्खणं कुणइ । मन्नइ पलाल-पायं अन्नं अन्नं मणुस्सं पि ॥ एगया सूयारस्स पमायाओ अवहरियं पुव्वाणीयं मंसं मज्जारेणं । का भक्खे वासहत्तणेण (?) अन्नं मंसं आणेउं अचयंतेण तेण किं पि डिंभरुवं हणिऊण रडं मंसं । भुंजतेण रन्ना पुच्छिअं-किं अन्ज पेसलं मंसं ति? । सूआरेण सिहं जहट्टियं । तओ मंस-लुद्ध-बुद्धिणा रन्ना दिन्नो सूआरस्साएसो-पइदिणं इकिकं पहाण-माणुसं मारिऊण तुमए संरद्धियव्वं ।।
एवं च कीरमाणे वेरी निवइस्स पुर-जणो जाओ। अप्पावि पाव-कारिस्स वेरिओ किं पुणो सेसे ?॥ अह माणभंग-रन्नो चित्ते चिंता इमा समुप्पन्ना। किं मह वंस-पइटें रज किं वा नवेयं ति॥ इत्थंतरे जुग-क्खय-समइ व्व समीरणो समुल्लसिओ। भंजंतो तरु-निवहं मच्चु व्व मणोरह-समूहं । पवणुक्खएण तह कह वि रेणु-नियरेण पूरियं गयणं । न जहा दीसह कत्थ वि भएण नटे व्व सूलादि ॥ मोहो व्व तिमिर-निवहो वियंभिओ दिट्टि-पसर-पडिहणणो । निउणेण य (?) बहूणं एग-रूवत्त-संजणणो ॥ गजति खणं मेहा लड-प्पसरा खलु व्व दुव्विसहा । विप्फुरइ खणं विज्जू कयंत-जीह व्व भय-जणणी॥ तंमि समए नरिंदो पलोयए भूय-मिहुणमायासे । अन्नोन्नमुल्लवंतं भय-विम्हय-कारयं जुगवं ॥ भूएण जंपियं पंकयच्छि ! वोच्छं अणागयं किं पि । ता भूय-पिया जंपइ पिय ! जंपसु सावहाण म्हि ॥ भूएण भासियं माणभंग-राओ पडिस्सइ अवस्सं । जीव-वह-विहिय-बहु-पाव-पेल्लिओ थेव-दिण-मज्झे ॥
Jain Education International
For Private & Personal Use Only
www.jainelibrary.org
