________________
कुमारपालप्रतिबोधे
[प्रथम
बीयं बहु-लच्छी-संवयस्स चउरंग-बल-समिडस्स। सयल-समीहिय-सुह-कारयस्स रजस्स विद्धंसो ॥ अवरं सिणेह-सम्भाव-गब्भ-हिययस्स सयण-वग्गस्स । परिवारस्स य विणयाइ-गुण-निहाणस्स परिहाणी ॥ अन्नं सुन्ने रन्ने सावय-सय-संकुले किलेस-कुले । एगागिणीइ छुह-तिस-आयव-विहुराइ परिभमणं ॥ पत्तो वि परं वसणं किं होही जं हढेण अंकाओ?। अवहरि सुय-रयणस्स अडवि-मज्झे परिच्चाओ॥ तुट्ठो न उ मं हय-विही विहिलं एवं विहं विविह-दुक्खं । अन्ज वि मयंक-विमलं मह वंछसि खंडिउं सीलं ॥ हा हियय! तुमं पि धुवं निल्लज्ज ! अणज्ज ! वज-घडियं सि । असमंजस-वयणाई सोऊण वि जं न फुद्देसि ॥ एवं विचिंतयंतीइ तीइ देवीइ हियय-संघहो । सो को वि पयहो जेण झत्ति पाणा विणिक्खंता ।। मरिऊण तक्खणेणं सा देवी वंतरी समुप्पन्ना । आभोइओ अ णाए पुव्व-भवो ओहि-नाणेण ॥ दिट्ठो य नियय-पुत्तो आचामंतो वणम्मि जंबु-तले । पवणाहयं निवडियं मुहंमि जंबू-फलं पकं ॥ तो पुव्व-सिणेहेणं गावी-रूवं विउव्विउं देवी । पाएइ दुखमेयं रक्खेइ उवद्दवेहिंतो॥ कइवय-दिण-पजंते आवासिओ तत्थ अत्थ-जत्ताओ नियत्तो सेयवियावत्थव्वओ पियमित्तो नाम सत्यवाहो । तेण दिट्ठो जंबू-तरु-तले बालओ। छायाए अपरावत्तणेण पुन्नवंतो, मण-हर-गोरत्तणेण विसाल-कुल-संभवो त्ति जाणिऊण गहिओ। परितुद्वेण समप्पिओ अपुत्ताए नियय-भजाए रज्जाए नामाए । गूढ-गन्भा गिहिणी मे दारयं पसूय त्ति पयासियं परियणे। सेयविया-गएण कयं वद्धावणयं । अरन्ने अभओ सीहु व्व पत्तो एसु त्ति चिंतिऊण कयं इमस्स 'अभयसीहुत्ति नामं । गिरि-कंदर-गओ चंपय-पायवु व्व वड्डिओ एसो। समए समप्पिओ उवज्झायस्स । कओ णेण सयल-कला-कलाव-कुसलो । पत्तो पंचसर-पसर-लीला-वणं जोव्वणं । कयाइ कणग-पलंक-पसुत्तो निसाए वुत्तो जणणीवंतरीए-वच्छ! पुव्वं इमीए नयरीए सामिणो वीरसेण-रायस्स पत्ती वप्पा
Jain Education International
For Private & Personal Use Only
www.jainelibrary.org
