Page Text
________________
प्रस्तावः ]
अभयसिंहकथानकम् ।
३५
पासाय-पंति-सेया सेयविया नाम वर-नयरी ॥ सुर-मंदिर-सिर-कंचण-कलस-समूहो नहंगण-दुमस्स । परिपाग-पिंग-फल-निवह-लीलमवलंबए जत्थ ॥ तत्थ वीरसेणो राया।
जस्स नय-रूव-चंगिम-खम-विक्कम-पमुह-गुण-समूहेण ।
सिरिखंड-पंडुरेण वि सयल-जणो रंजिओ चोजं ॥ तस्स सरीर-सुंदर-दलिय-देव-रमणी-महप्पा वप्पा नाम देवी । सीह-सुविण-सूइओ समुप्पन्नो तीए गन्भे भद्द-जीवो। ति-वग्ग-संपायण-रयाए पत्तो पसूइ-समओ, जाओ जण-मणाणंद-यारओ दारओ। कयं रन्ना महा-विभूईए वद्धावणयं । अपरिपुन्ने य तस्स मासे वीरसेणस्स रन्नो उवरि विक्खेवेण समागओ गय-तुरय-रह-पाइक्क-साहणेणं अप्पमाणेणं माणभंग-नरवई । निअओ य तयभिमुहं निय-सिन्न-संगओ वीरसेणो । पयट्टमाओहणं । भवियव्वया-वसेणं विणासिओ वीरसेणो माणभंगेण । गहियं करि-तुरयावासाइयं । अंगीकयं सेयवियाए रजं । तंमि रज-भंग-विद्दवे घेत्तूण पुत्तं वप्पा महादेवी पलायमाणा अरण्णे पत्ता एक्केण पाइक्केण । चिंतियं अणेण-अहो! मे पुन्न-पगरिसो, जं एसा तियसंगण व्व मणोहरा पत्ता मए मयच्छी । ता छड्डावेमि बालयं, जेण ममंमि चेव ढाणुराया होइ त्ति। तओ भणिया सा-भद्दे ! परिचय इमं बालयं । बाह-जल-भरिय-लोयणाए अ णाए भणियं-निय-गब्भ-संभूयं सयलतिलुक्क-चूडामणिक-भूयं कहं परिचयामि एवं ? । पाइक्केण वुत्तं-मइ साहीणे अन्ने तुह तणया होहिंति । तीए भणियं-जइ परं अन्न-जम्मे अन्ने तणया मे होहिंति त्ति रोविउं पवत्ता । पाइक्केण वि निकरुण-मणेण बलावि घेत्तूण छड्डाविओ। देवी वि भुयाए वेत्तूण नीया अग्गओ। भणिया य
रोयसि कीस किसोयरि ! ?, मुंच विसायं पवजसु पइगं । मा कुणसु रन्नसरए कयं व्व निय-जुव्वणं विहलं ॥ इय कण्ण-कडुयमायन्निऊण देवी दढं विसन्न-मणा। घोरं सुय-सित्त-थणी चिंतिउमेवं समाढत्ता ॥ हा देव! पुव्व-जम्मे पडिकूलं किं भए कयं तुज्झ ?। जं कुणसि अकय-करुणो मह वसणु त्ति रिविडिं एवं ॥ एकं किर जस्स अहं पाणेहिंतो वि वल्लहा आसि । तस्स गुण-रयण-निहिणो भूवइणो भत्तुणो मरणं ॥
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |