________________
३४
कुमारपालप्रतिबोधे
तस्स विणास - निमित्तं पहाविओ मिल्लए लउडं ॥ इंतं लउडं दद्धुं भयत्त - चित्तो पलाए ससओ । भो तस्स वहत्थं पुणो पुणो मिल्लए लउडं ॥ ससओ पलायमाणो मुणिस्स पडिमा - ठियस्स वण- मज्झे । चरणंतरे निलुक्को अन्नं सरणं अपावंतो ॥ अह तिब्व तवावज्जिय-मणाए वण- देवयाइ निम्मविया । समणस्स तस्स पुरओ विउला आयास-फलिह-सिला ॥ तो तीए अप्फलिओ सहसा सद्देण मिल्लिओ लउडो । वेगेण पडिनियत्तो लग्गो भद्दस्स भाल-यले ॥ सो त प्पहार - निग्गय - रुहिरो गुरु- वेयणा विहुरियंगो । मुच्छ-निमीलिय-अच्छो धसत्ति धरणी-यले पडिओ ॥ वण-पवण - संग-सत्थो मुणिं पुरो पिच्छिउं भणइ भद्दो । हा हा ! इहेव जम्मे फलियं मे पाव - कम्ममिणं ॥ अहवा उद्दन्नमेयं सुह-कम्मं किं पि जं अदिट्ठेण । केणावि पडिक्खलिओ लउडो लग्गो मह पिडाले || अण्णह लउडो लग्गेज्ज कवि पडिमा टियस्स साहुस्स । तो सत्तमे वि नरए न हुज्ज पावस्स मह ठाणं ॥ अह पारिऊण मुणिणा काउस्सग्गं किवा - समग्गेण । भणिओ इमो महायस ! किमेयमसमंजसं कुणसि ॥ जो मंस- लुड-चित्तो निरणुकोसो करेइ जीव - वहं । नरयानलस्स सो होइ इंधणं पाव-पsिहत्थो । तो पणमिण समणं भद्दो जंपइ अओ परं भयवं ! | न हणामि जाव-जीवं जीवं मंसाइ - कज्जेण ॥ मुणिणा भणिओ भद्दो खणं तुमं भद्द ! भावि भद्दो सि । धम्म - तरु-बीय-भूया जीव दया जेण पडिवन्ना ॥ अह वंदिऊण साहुं भद्दो निय-मंदिरंमि संपत्तो । जीव- वह नियत्त-मणं मन्नेइ कयत्थमप्पाणं ॥ पुन्नाणुभावओ चिय पणिमुववज्जमाण निव्वाहो । आउ - क्खयंमि मरिडं उपन्नो जत्थ तं सुणह ॥ अत्थित्थ जंबुदीवे भारह - वासंमि मज्झिमे खंडे ।
Jain Education International
For Private & Personal Use Only
[ प्रथमः
www.jainelibrary.org
