Page Text
________________
कुमारपालप्रतिबोधे
[ प्रथमः तओ तीए चिंतियं-नूर्ण तायेण मह जुग्गो एस लद्धो वरो, दिवसं च सुंदरं दिटुं, तेण एसो सिग्धं पेसिओ। जं च विसंमि अणुस्सारो तं भमो त्ति । तओ अणुस्सारं फुसिऊण नयणंजणेण आयार-रेहा कया, पुणोवि लेहो मुद्दिऊण तहेव मुक्को, परितुहमाणसा गया गेहं । थोव-वेलाए य उद्दीऊण दामनगो पत्तो सागरपोय-गेहं। समप्पिओ समुद्ददत्तस्स। लेहे वाइऊण अवधारिओ ऽणेण लेहत्थो। 'तायाएसो मे पमाणं ति मन्नतेण कया विवाह-सामग्गी, समग्गो वि मेलिओ सयण-वग्गो। संवच्छरिय विणिच्छिय तकाल-लग्गे विसाए कर-ग्गहणं काराविओ दामन्नगो। पारद्धं वडावणं ।।
आभरण-किरण-दिप्पंत-देह अहरीकय-सुरवह-रूवरेह। घण-कुंकुम-कद्दम घर-दुवारि खुप्पंत-चलण नचंति नारि ॥
एत्थंतरे पत्तो नगरं सागरपोओ । मग्गि मिलिएण संलत्तो लोएण। सुंदरो तुमए जामाउगो पेसिओ। सागरपोएण चिंतियं-नूणं तेण दुरप्पणा परिणीया मे धूया। गिहागएण दिट्टो विवाह-कंकणालंकिय-करो दामनगो ।हा! अहं अन्नहा चिंतेमि, कजं अन्नहा परिणमइ विहिवसेण । संपयं संपन्नो घर-माणुसाणं सामी एसो। जओ गिहत्थाणं गिहेसु महिलाओ पमाणं, महिलाणं पुण पाण-प्पिओ जामाउगो । भणियं च
तीयह तिन्नि पियाराई कलि-कजलु-सिंदूरु ।
अन्नइ तिन्नि पियाराई दुहु जम्वाइ उ तूरु ॥ इमं च अणुचियं न चएमि दटुं, वरंधूयाए वि वेहव्वं ति चिंतंतेण गंतूण भणिओ चंडालो । अरे खंगिला ! न तए वावाइओसो । तेण वुत्तं-किं गयं? दंसेसु तं। संपयं पि वावाइस्सं । सागरपोएण वुत्तं-जइ एवं ता नयर-देवया-पूयणत्थं तं पट्टविस्सं । तओ गेहमागंतूण सागरपोएण भणियं वहु-वरं-वच्चह देवकुलाचारो त्ति नगरदेवियं पुएउं । चलियं तं वचंतं दिढ हनिविटेण समुद्ददतेण । संपयं अत्थमिए वासरे सरे परिफुरते तिमिर-विसरे एवं चिय चोरप्पसरे नयर-परिसरे अणवसरो गंतुं वहू-वरस्स त्ति भणंतेण ठवियं हटे वहु-वरं । पूओवगरणं घेत्तूण गओ समुददत्तो देवयायणं, पविसंतो पुव्व-पविटेण वावाइओ खंगिलेण । सुयमिणं सागरपोएण। सोय-सागर-निमग्गो ' हा देव ! दुव्वारो ते वावारो, जं चिंतियं तए तं कयं ति जंपमाणो पयह-हियय-संघटो मुक्को पाणेहिं । विन्नाय वुत्तंतेण रन्ना दामनगो घर-सामी कओ । अन्नया तस्स पुरओ पढियं मंगल पाढगेहिं
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |