Kumarpal Pratibodh

SR No.: 001873
Original Sutra Author: Somprabhacharya
Author: Jinvijay
Publisher: Central Library
Publication Year: 1920
Total Pages: 564
Language: Prakrit
Classification: Book_Devnagari, Story, & Literature
File Size: 11 MB

Page 108

३१
प्रस्तावः ]
दामन्त्रकदृष्टान्तम् । सेण चंडालेण दामनगो नासिउमाढत्तो, नियत्तो चंडालो। दंसियं अंगुलि-खंडं सागरपोयस्स । सो य पच्चुज्जीविउव्व परं परिओसमावन्नो। दामन्नगो अरण्णे परिभमंतो दिवो सागरपोयसंतिएण गोउलिएण । सुंदरागारो त्ति पुच्छिओ 'को तुमं ति । दामन्नगेण वुत्तं-उच्छन्नवंसो वणियपुत्तोऽहं । तओसमुप्पन्न-करुणेण नीओ निय-घरंभणिया निय-घरिणी, अपुत्ताए तुह इमो पुत्तओ, परितुद्वा एसा। विणय-प्पमुह-गुणेहिं ताणं पाण-प्पिओ इमो जाओ।
सव्वत्थ गुणेहि पियं जं कीरइ तं किमच्छेरं ॥ अह काम-केलि-भवणं तरुणी-यण-नयण-भसल-कमलवणं ।
सो देह-सुंदरत्तण-गुणव्वणं जोव्वणं पत्तो॥
अन्नया गो-उल-पलोयणत्थं तत्थागओ सागरपोओ। दट्टण दामन्नगं सासंकेण पुच्छिओ अणेण गोउलिओ 'को एसुत्ति । तेण वुत्तं-अणाहो त्ति इहागओ एसो, मए अपुत्तेण पुत्तो पडिवन्नो । तओ तकहणाओ खंडियंगुलिदंसणाओ य चिंतियमिणं सागरपोएणं । जो मए माराविओ बालो सो चेव एसो, नृणं न वावाइओ चंडालेण । अहह संजाओ ताव बाहिर-धणस्स सामी इमो, किमन्नहा होइ मुणि-वयणं, तहावि पुरिसयारो न मुत्तव्वो त्ति । तओ भणिओ गोउलिओ, संपयं गमिस्सामो गेहं । तेण वुत्तं-चिरकाला तुब्भे आगया, अजवि न गो-उलं निरूवियं । सागरपोएण भणियं-अस्थि महंतं कज्जं । गोउलिएण वुत्तं-जह एवं, ता अप्पेह लेहं, जेण मे पुत्तो वुच्चइ । सागरपोएण स-हत्थ-लिहियं लेहं अप्पिऊण पेसिओ दामनगो। गओ सो रायगिहं, परिस्संतो वीसमिओ मयण-देव-उले । आगया तस्स निदा ।
अह तत्थ विसा नामेण मयण-पूया-निमित्तमणुपत्ता । तिय-लुक्क-तिलय-भूया सागरपोयस्स वरधूया ॥ तीए य मयण-पूयं कुणमाणी एस विम्हय-रसेहिं । नव-नीलुप्पल-दल-दीहरेहि नयणेहि सो दिट्ठो॥ जच्च-सुवन्न-सवन्नो विसाल-वच्छत्थलो पलंब-भुओ। कमलारुण-कर-चलणो को एसो काम-सम-रूवो ॥ एयं विभावयन्ती लेहं पिउ-मुद्द-मुद्दियं दिहें ।
तस्संक-लहि-संठियमेसा छोडूण वाएइ ॥ " स्वस्ति गोकुलात् श्रेष्ठिसागरपोतः समुद्रदत्तं सस्नेहमालिङ्गय कुशलवार्तयति । कार्य च-अस्य पुरुषस्याधौतपादस्य विषं दीयताम्, इत्यर्थे न विकल्पः कार्यः।"