Page Text
________________
प्रस्तावः]
अमरसिंहकथा । खड्डु खणाविय सइं छगल सइं आरोविय रुक्ख ।
पई जि पवत्तिय जन्न सहं किं बुब्बुयहि मुरुक्ख ॥ इमं सोचा ठिओ तुहिको छगलो । विम्हिय-मणेण भणियं कुमारेण । भयवं ! एस छगलो किं तुम्ह पढियमित्तेण चेव तुहिको ठिओ । साहुणा युत्तं-भद्द ! रुद्दसम्मो नाम इमस्स पुरिसस्स पिया आसि । तेण खणावियं इमं तलायं, पालीए आरोविया रुक्खा, पइवरिसं पवत्तिओ जन्नो, जत्व छगलगा वहिजति । कालेण रुद्दसम्मो मओ, जाओ छगलगो। हणिओ इमिणा पुरिसेण इत्थेव जन्ने । पुणो वि जाओ छगलो, पुणो वि हओ, एवं पंचमु भवेसु, छटो पुण इमो भवो । संपयं पुण अंकाम-निजराए लहु-कय-कम्मो पुत्तदंसणेण संजाय-जाइसरणो एस छगलो इमं भणइ--पुत्तय ! किं मारेसि मं, तुह पियाहं रुद्दसम्मो । जइ न पत्तियसि, ता करेमि अहिन्नाणं, दंसेमि निहाणं, जं मए तह परुक्खं निक्खयं अस्थि । पुरिसेण वुत्तं-भयवं! जइ सच्चमेयं ता दंसेउ एसो तं । इमं सोऊण चलिओ छगलो, गओ गिभंतरं निहाण-पएसं। पाएहिं पहणिउं पयो । खणिए लद्धं निहाणं । जाय-पच्चओ मुणि-समीये धम्म सोऊण पडिवन्नो सम्मत्तं । पुरिसो(?)कुमारेण भणिवं-भयवं ! जइ सत्थ-विहियस्स वि पसु-वहस्स एरिसो परिणामो, ता मए कायव्या जीव-दया । छगलो साहु-पासे धम्मं सुच्चा भत्त-पच्चक्खाणं करेइ । साहु-दिन्नं पंच-नमुक्कारं सुमरंतो समाहिणा मओ, गओ सुर-लोयं । अवहिनाण-मुणिय-पुव्वभवो 'उवगारि' त्ति करेइ कुमरस्स सन्नेजं । एवं वच्चइ कालो ।
अह जंपइ छगल-सुरो भासुर-मणि-मउड-कुंडलाहरणो । रयणीइ रायपुत्तं गयणे होऊण पचक्खो ॥ एसो राया गरुय-जणाणुरायं तुमंमि असहंतो। अचंत-कूर-चित्तो चिंतइ तुह मारणोवाए ॥ ता मुत्तुं नयरमिणं संपइ देसंतरं तुमं वच्च । समए पुण रज्जमिणं तुमए चिय उद्धरेयव्वं ॥ इय सुर-वयणं सोउं विमलेण अमच्च-नंदणेण समं । नयराओ निक्खंतो परिभमइ महीयलं कुमरो ॥ ठाणे ठाणे लोयाओं वंदणं चंदणं व पावंतो। नियय-गुणुकरिसेणं कमेण कुंडिणपुरं पत्तो॥ तरुण-जण-हियय-हरणेण हरिण-नयणाण जत्थ नयणाई ।
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |