________________
६०
श्रीजिनसूरमुनिवर्य विरचिता
" दोषाकरोऽपि कुटिलोsपि कलङ्कितोऽपि मित्रावसानसमये विहितोदयोऽपि । चन्द्रस्तथापि हरवल्लभतां प्रयाति
नाश्रितेषु महतां गुणदोषचिन्ता ॥ १८२ ॥ अद्यापि नोज्झति हरः किल कालकूट कूर्मो बिभर्ति धरणीं किल चात्मपृष्ठे । अम्भोनिधिर्वहति दुःसहवाडवाग्नि
मङ्गीकृतं सुकृतिनः परिपालयन्ति ॥ ९८३ ॥ "
ततस्तेन प्रियङ्करेण पृष्टम् - अस्या अज्ञाया अबलाया उपरि तव किं वैरं वर्तते येन त्वं पीडयसि विद्याबलेन एनामुपक्षयसि १
यतः
" तृणोपरि कुठारः किं, मृगे सिंहपराक्रमः । कमलोत्पाटने हस्ती, कटकं की टिकोपरि १ ॥ १८४ ॥
-
,
द्विज आह- अस्या जिह्वाया गुणेन । उक्तं च" यस्य जिह्वागुणो नास्ति, तस्य वैरं जगत्त्रये । जिह्वायाममृतं यस्य तस्यात्मीयं जगत्त्रयम् ॥ १८५ ॥ जिह्वाग्रे वसते विद्या, जिह्वाग्रे मित्रबान्धवाः । जिह्वाग्रे बन्धनं मोक्षः, जिह्वाग्रे परमं पदम् ॥ १८६॥" कुमार आह- अनया वार्तया ज्ञायते -त्वं द्विजो नासि, कोऽप्यपरो देवो वा दानवो वा वर्तसे । ततो द्विजरूपं मुक्त्वा देवो जातः । गजोऽपि न दृश्यते । राजवाटिकायां मम देवकुलमस्ति, तत्राहं
१' न स्यात्' इति ङ-पाठः ।
Jain Education International
For Private & Personal Use Only
www.jainelibrary.org
