________________
३ कमलश्रेष्ठिकथा (पृ० २४, श्लो० ८४ )
--- -- नियमनिर्वाहवतां निर्वाणशर्माणि सुलभानि । यतः" नाणं नियमग्गहणं, नवकारो नयरुई अनिहाय ।
पंचनयभूसिआणं न दुल्लहा सग्गई होइ ॥१॥" अपि च"अल्पीयानपि नियमः सुखाय सम्यक् प्रपालितो भवति ।
घटकृट्टल्लयवलोकनरूपः कमलाभिधस्येव ॥२॥" तथाहि-'श्रीपुरे' नगरे श्रीपतिश्रेष्ठिनः सुन्दरीजातः कमलाभिधानः सुतः। सम्यक्त्वमूलद्वादशवतवता पित्रा प्रतिबोधितोऽपि पुत्रो मक्षिका चन्दनमिव धर्म नैच्छत् । एकदा हि तेन पित्रा तत्रागतानां शीलन्धराचार्याणामभ्यर्णे स नीतः। असत्सम्मुखमेवावलोकनीयमित्यभिधाय धर्मोपदेशदानानन्तरं 'किमप्यवगतम् !' इति गुरुभिः पृष्टः स प्राह-अष्टोत्तरशतवारं जल्पतां भवतां कण्ठमणिरचलत् , किश्चौत्सुक्येन स बहुः चलितस्तदहं तु न ज्ञातवान् । इति गुरूणां हास्यं कुर्वन् पित्राऽयमयोग्य इत्युपेक्षितः ।
१ श्रीहेमविजयगणिविरचिते कथारत्नाकरे तरङ्गेऽष्टमे ८३तमा कथेयं मुद्रिताऽस्ति, किन्तु प्रत्यन्तराधारेण, न तदाधारेण दीयतेऽत्र । २ छाया
ज्ञानं नियमग्रहणं नमस्कारो नयरुचिश्च निष्टा च । पश्चनकारभूषितानां न दुर्लभा सद्गतिर्भवति ॥
Jain Education International
For Private & Personal Use Only
www.jainelibrary.org
