________________
मूलदास जिनदासके, भयौ पुत्र परधान । पढ़यौ हिंदुंगी पारसी, भागवान बलवान ॥१३॥ मृलदास बीहोलिआ, बनिक वृत्तिके भेस । मोदी कै मुगलको, आयौं मालवदेस ॥ १४ ॥
___ चौपई मालवदेस परम सुखधाम । नरवर नाम नगर अभिराम । तहां मुगल पाई जागीर । साहि हिमाऊंको बरै बीर ॥ १५॥ मूलदाससौं बहुत कृपाल । करै उचापति सौंपै माल । संबत सोलहसै जब जान । आठ बरस अधिके परबान ॥१६॥ सावन सित पंचमि रबिबार । मूलदास-घर सुत अवतार । भयौ हरख खरचे बहु दाम । खरगसेन दीनौं यह नाम ॥ १७ सुखसौं बरस दोइ चलि गए । घनमल नाम और सुत भए । बरस तीन जब बीते और । धनमल काल कियौ तिस ठौर ॥१८
दोहरा घनमल घन-दल उड़ि गए, काल-पवन-संजोग । मात-तात तरुवर तए, लहि आतप सुत-सोग ।। १९
चौपई लघु-सुत-सोक कियौ असराल । मृलदास भी कीनौं काल ॥ तेरहोत्तरे संबत बीच । पिता-पुत्रकों आई मीच ।। २० १ई हैकर। २ ड आया। ३ अ प्रतिके हासियेपर इस शब्दका अर्थ 'उमराव' दिया है। ४ ब पांचैं।
Jain Education International
For Private & Personal Use Only
www.jainelibrary.org
