Page Text
________________
सिरिवालचरिउ
[१.७.३
पुणु अमरकोसु लंकार-सोहु. आगमु जोइसु बुझिउ अखोहु । जाणिय बाहत्तरि कल पहाण चउरासी-खंडई तह विणाण । पुणु गाह-दोह-छप्पय-सरूव जाणिय चउरासी बंध-रूव । छत्तीस राय सत्तरि सराउ
पणे सहह चरसटठिह कलाउ । पुणु गीय णेत्त पाइअईकव्व परियाणिय सत्थ-पुराण सव्व । छब्भासा छह दंसण णियाणि छण्णवइ लिहिय पासंड जाणि । सामुद्दिय लक्खणु मुणिय सज्ज ता पढिय मुणिय चउदह वि विज्ज । भेसहँ ओसहँ गण फुरई ताहि अंगुल-अंगुल छाणवइ वाहि । बुज्झइ पहाणं बहुदेस भास अट्ठारहलित्रि जाणिय णियास । णव-रस चउ-बग्गहँ मुणिय भेय जिण समइ लिय चारिउ णिएये । रइ दुस्सह कामत्थु वि मुणेइ पुणु कामरूव'' तहि की जिणेइ । खवणाणइँ पढिय सुमुणिहि पासु अट्ठाणवइ जिवह समासु । ए सयल सत्थ परिणइय तासु सम्माहिगुत्तु मुणिवरहँ पासु । मयणासुंदरि लहुरी विणीय सा एवमाइ गंथहँ गरीय । घत्ता-गय कुमारि लहु तत्तहि अच्छइ जत्तहि सहा-परिठिउ ताउ जहि ।
सा जण मण-हारी बहुगुणसारी लावइ काम-पिसाउ तहि ॥७॥
जिण-गंधोवउ सीस लएप्पिणु आसीवाउ दिण्णु पणवेप्पिणु । सीस लएवि लयउ गंधोबउ णिम्मलीय-णिम्मल-करणोवउ । पुण्ण-पवित्तु पाव-पविणासणु अट्ठ-कम्म-पयडीह विणासणु । पुणु कुँवरियहि रूउ अवलोइवि थिउ णरिंदु हिट्ठामुहु जोइवि । चिंतइ णरवइ कण्ण सलक्षण कवणहु दिज्जइ एह वियक्खण । एम भणेविणु' कण्ण बुलाव मागहि वरु जो तुव मणि भावइ । जेम पुत्ति तुव जेठिहिँ इंछिउ 'वरु गिण्णहु सुरसुंदरि वंछिउ । किंपि ण वोल्लइ मउणे अच्छिउँ भणइ राउ सुय काई णियच्छउ । दीसहि देवि रूव धवलंवर परिणि पुत्ति जो फुरइ सुयंवर । णिसुणेविण सुंदरिय चमक्किय 'हिक्किरेवि अहोमुह करि थक्किय । घत्ता-मणि कंपइ पुणु जंपइ, ताउ चवेइ णिरुत्तउ ।
कुल-उत्तउ जं जुत्तउ, देमि अज्जु पडिउत्तरु ।।८।।
ता भणइ कुँवरि भो णिसुणि ताय जा कण्ण होइ मा-बप्प-जाय ।
कुल-उत्तिहि बप्प किएउ मग्गु अण्णइँ' इंछिउ वेसा-भुवंगु । २. ख ग कलपहाण । ३. ग तह । ४. ख जोणी । ५. ग पण सद्दह । ६. ग पाउ-गइ। ७. ख अंगुलि अंगुलि । ८. क पहाउ । ९. क णिणास । १०. ग कामच्छु। ११. ग कामरूव । १२. ग अट्ठाण वइ
हि। १३. ग लहुइ। ८. १. ग भणेप्पिणु । २. ग वरु जेट्टिहिं । ख जेट्ठिहि । ३. ग वरु गिहिउ सरुसुंदरि वंछिउ। ४. ग अच्छहि ।
५. गणियच्छहि । ख णियछई। ६. ख दिक्ख रेवि । ९. १. ख, ग आणइं।
Jain Education International
For Private & Personal Use Only
www.jainelibrary.org
| SR No. | 001843 |
| Book Title | Siriwal Chariu |
| Original Sutra Author | Narsendev |
| Author | Devendra Kumar Jain |
| Publisher | Bharatiya Gyanpith |
| Publication Year | 1974 |
| Total Pages | 184 |
| Language | Hindi, Apbhramsa |
| Classification | Book_Devnagari & Story |
| File Size | 12 MB |