Katharatnakar

SR No.: 001835
Original Sutra Author: Hemhans Gani
Author: Munisundarsuri
Publisher: Omkar Sahityanidhi Banaskantha
Publication Year: 1997
Total Pages: 380
Language: Sanskrit
Classification: Book_Devnagari, Story, & Literature
File Size: 24 MB

Page 47

२
श्री कथारत्नाकरे
श्री हेमविजयरचिते
अस्माभिरञ्जलिरलं खलु दुर्जनेभ्यस्तेभ्यः कृतः परविकत्थनकोविदेभ्यः । येषामधाद् गुणलवोपि न वासमङ्गेऽनाप्तावकाश इव दोषचयैर्निरुद्धे ॥ ९ ॥ लोलैः खलैः स्खलितमप्युदयप्रयातैः किं सद्भिरादृतमिदं न हि शास्त्ररत्नम् ? । किं शोष्यमाणमपि नो वडवानलेन वारान्निधिं नयति वृद्धिमनुष्णरोचिः ॥ १० ॥ तत्प्रवर्त्तकनिवर्त्तकवार्त्ता - बन्धबन्धुरमहं विदधामि
I
वाङ्मयं रसमयं समसभ्यलोककोककुलकोकवयस्यम् ॥ ११॥ क्वचित्प्रवृत्तिं क्वचिदप्रवृत्तिं शृण्वन्तु चैतासु कथासु सभ्याः | स्थितिः श्रुतापि द्विविधा विशुद्धा - ऽविशुद्धयोः किं न पथोः शिवाय ? ॥ १२ ॥ गीताङ्गनाकनकसूक्तिकथाऽशनानि षट् शोभनानि विबुधाऽविबुधेष्वमूनि । वाल्लभ्यमेषु समुपैति समं समेषां यच्चित्तवृत्तिरलिनीव सरोरुहेषु ॥ १३ ॥ कथारत्नाकरं कुर्वे कथारत्नौघबन्धुरम् 1
आदीयन्ते सतां स्तोमै - रत्नानीव यतः कथाः 11 28 11 कथारत्नाकरो भावी, समीचीनोऽयमत्र यत् । दोषाकरकरैः स्पृश्य-मानः सौन्दर्यमेष्यति ॥ १५ || कुत्राप्येतासु पाठे स्या- द्विसंवाद: कथासु चेत् ।
न दोषस्तन्मदीयो यद् यथाऽऽकर्णितकारिणि ॥ १६ ॥ ३ श्रुताः काश्चित् काश्चित् स्वमतिरचिताश्चित्ररचनाः । चयाऽऽकीर्णाः काश्चित् पुनरधिगताः शास्त्रनिधितः । निबध्यन्ते नानाविधरसकथाः कौतुकवशा
दिमाः सभ्यस्वान्तस्थितिसुरसरिच्छङ्करशिराः ॥ १७ ॥ [ शिखरिणी]
चेद्वैराग्यतरङ्गरङ्गनिरतिश्चेत्सूक्तिमुक्तास्पृहा ।
चेच्छृङ्गारमुरारिसङ्गमरुचिश्चेच्चातुरिवारिधीः ।
चेदाश्चर्यकथाप्रथामृतधृतिश्चेद्वक्तृताश्रीरति
स्तद्यत्नेन निषेव्यतां किल कथारत्नाकरोऽयं जनाः ॥ १८ ॥
श्रियेऽस्तु श्रीमहावीरः कामितार्थसुरद्रुमः । यद्गीर्गौरीव गौराङ्गी जज्ञे सर्वज्ञहर्षकृत् ॥
इह हि सकलकल्याणकारणं सर्वज्ञोपज्ञ एव धर्म:, यतः -
१. HRS I पाठैः A मु. ॥ २. दोषस्तन्मदीयो यद्यथा RS ॥ ३ श्रुताः काश्चिल्लोकात् स्व-पर विषया चित्ररचना च याकीर्णा: SRH II ४. RHSI चातुरीचारुधी: मु. ॥