________________
सभाष्य-चूणिके निशीथसूत्रे
[ सूत्र-७८ ततो ते थेरा जं लब्भंति तं तेसिं खुड्डुगाणं समतिरेगं देंति, अप्पणा अोमं करेंति । ततो तेहिं दोहिं वि खुडगेहि सो अंतद्धाणजोगो मेलिग्रो, एगेणं अक्खी अंजिता बितितो ण पस्सति । एवं लद्धपच्चया भोयणकाले सह रण्णा चंदगुत्तेण भुजंति, जं रण्णो सारीरयं भत्तं तं ते अंतद्धिया भुजंति, ततो रण्णो प्रोमोयरियाए दोब्बलं जायं ।।४४६४।। ततो चाणक्केण -
चाणक्कपुच्छ इट्टालचुण्ण दारं पिहेउ धूमो य ।
दिस्सा कुच्छ पसंसा, थेरसमीवे उवालंभो ॥४४६५॥ पुच्छित्तो कीस परिहाणी? भणाति - “मज्झ भत्तं को ति अद्धितो पक्खिवति त्ति, ण जाणामि"।
ततो चाणक्केण समंता कुड्डे दाउं एगदुवारा भुजगभूमी कता । दारमूले य सुहमो इट्टालचुण्णो विक्वित्तो । राया अंतो एगागी णिविट्ठो । ताहे खुड्गा पागता, पविट्ठा अंतो । दिट्ठा पयपद्धती चुण्णे।
चाणक्केण णायं-पादचारिणो एते, अंजणसिद्धा।"
ताहे दारं ठवेउं धूमो कतो, अंसुणा गलंतेण गलितं अंजणं, दिटुं खुड्डगदुगं । चदगुत्तो पिच्छति - "अहमेतेहिं विट्टालितो।" ।
_ ततो चाणक्केण भणियं - "एते रिसप्रो कसारसमणा, पवित्तं ते एतेहिं सह भोयणं, तमे सव्वसो अपवित्तेण एते विट्टालिता।"
- ततो अप्पसागारियं चाणक्केण णीणिता । थेराण समीवं चाणको गतो – “कीस खुड्डे ण सारवेह ।"
ततो थेरेहि चाणको उबालद्धो - "तूमं परमो सावगो, एरिसे प्रोमकाले साधूवावारं ण वहसि" ति।
तेण भणियं - "संता पडिचोदणा, मिच्छा मे दुकडे" ति । गतो, खुड्डाण य वावारतो पवूढो ।।४४६५।।
जे विज्जमतदोसा, ते च्चिय वसिकरणमाइचुण्णेहिं । एगमणेगपदोसे, कुज्जा पत्थारतो वा वि ॥४४६६॥ असिवे प्रोमोयरिए, रायदुढे भए व गेलण्णे ।
अद्धाणरोहए वा, जयणाए भुंजई भिक्खू ।।४४६७। कंठा जे भिक्खू जोगपिंडं भुंजति, भुजंतं वा सातिज्जति ।।सू०७८॥ पादलेवादिजं.गेहि प्राउट्टेउं जो पिंडं उप्पादेति तस्स प्राणादी छ।
जे भिक्खू जोगपिंडं, भुंजेज्ज सयं तु अहव सातिज्जे । सो आणा अणवत्थं, मिच्छत्त-विराधणं पावे ।।४४६८॥
Jain Education International
For Private & Personal Use Only
www.jainelibrary.org
