________________
૨૪૬
सभाष्य-चूणिके निशीथसूत्रे
सूत्र-८४
'अयमप्रकित्तीणं" इमं वक्खाणं
एरिससेवी एयारिसा व एतारिसो चरति सद्दो ।
सो एसो ण वि अण्णो, असंखडं घोडमादीहिं ॥३५८७॥ बहुजणसमुदए लोगो एवंवादी भवति - एते समणा एरिससेवी, सयं वा एरिसा - "णपुंसग" त्ति युत्तं भवति । एरिसो अयसकित्तीसद्दो लोगो "चरति" प्रकाशतीत्यर्थः ।
साधवो वा भिक्खावियारादिणिग्गते दलृ तरुण' जुवाणगा भणंति - भरे अरे भद्दे गोमिय ! सो एसो सिरिमंदिरकारो।
अन्ना भणइ -- ण वि एसो, अन्नो सो।
अहवा- ते तरुणा जुवाणा भणज्ज - एह समणा. तुब्भे वि तारिसं करेह । एवं भगतो को वि असहणो असंखडं घोडमादीहिं सह करेज्जा । तम्मि य णिच्छुडे को ति संजतो संसत्तो चिताए दमिच्छति उन्निक्खमति मरति वा ।
एत्थ पायरियस्स पवावेतस्स पच्छितं वत्तव्यं । एवमादिदोसपरिहरणत्थं पंडगो ण दिवखेयन्वो ॥३.८७॥ "पंडग" त्ति गतं । इदाणि "२कीवो" -
कीवस्स गोण्णणाम, कम्मदएणं तु जायए ततिओ।
तम्मि वि सो चेव गमो, पच्छित्तुस्सग्गअववाते ॥३५८८॥ क्लिद्यते इति क्लीवः । गुणणिप्फणं गोणं । मेहुणाभिप्पाए अंगादाणं विगारं भयति, वीयं थिबुएहि य गलति, स महामोहकम्मोदएण भवति । एवं गलमाणे जति णिरोधेति तो णिरुद्धवत्थी कालंतरेण ततियो भवति । जे पंडगे दोसा पच्छित्तं च एत्थ वि उस्सग्गेण ते चेव । अववाए पन्नावेयव्वा ॥३५८८॥
"3इयाणि वातियो" -
उदएण वातिगस्स, सविकारं नाव जा असंपत्ती ।
तच्चनियऽसंवुडिए, दिद्रुतो होतऽलभते ॥३५८६॥ वाइतो णाम जाहे सो मोहकम्मोदएणं सागारियं कसाइयं भवति ताहे सो ण सक्केति धरेत, णय समावत्थं ताव भवति जाव न कयं जं न कायव्वं ।
एत्थ तच्चन्निएण दिटुंतो
एगत्थ जलतरणणावारूढो तच्चन्नितो। तत्थ तस्सऽग्गतो अासन्ना अहाभावेण अगारी प्रसंवुडा निविट्ठा । तस्स य तच्चन्नियस्स तं दद्रुथद्ध सागारियं, तेण वेउक्कडयाए असहमाणेण जणपुरतो पडिग्गहिता अगारी । तं च पुरिसा हंतुमारद्धा । तहावि तेण ण मुक्का । जाहे से वीयणिसग्गो जातो ताहे मुक्का ।।३५८६।।
१ गा० ३५८६ । २ गा० ३५६१ । ३ गा० ३५६१ ।
Jain Education International
For Private & Personal Use Only
www.jainelibrary.org
