Agam 24 Chhed 01 Nishith Sutra Part 03 Sthanakvasi

SR No.: 001830
Original Sutra Author: N/A
Author: Amarmuni, Kanhaiyalal Maharaj
Publisher: Amar Publications
Publication Year: 2005
Total Pages: 644
Language: Prakrit
Classification: Book_Devnagari, Agam, Canon, Ethics, & agam_nishith
File Size: 10 MB

Page 199

भाष्यगाथा : १६४-३१६८ ]
दशम उद्देशकः
रण्णो अण्णेहिं कहियं - एस भारियाए आणाभंग न करेति त्ति । अण्णया रण्णा भणियं - इमं एरिसं तारिसं च कज्जं च सवेलाए तुमे ण गंतव्वं । सो अोसुअभूतो वि रायाणुअत्तीए ठितो।
सा य रुट्टा वारं बंधेउं ठिता । अमच्चो आगतो उस्सूरे, "दार-मुग्घाडेहि" ति बहं भणिता वि जाहे ण उग्घाडेति ताहे तेण चिरं अच्छिऊण भणिता - "तुमं चेव सामिणी होज्जासि त्ति ग्रहो मे पालो अंगीकतो' ।
ताहे सा "ग्रहमालो" त्ति भणिया दारमुग्घाडेउं पियघरं गता। सव्वालंकारविभूसिता अंतरा चोरेहिं गहिता। तासे सवालकारं घेतु चोरेहिं सेणावतिस्स उवणीता ।
तेण सा भणिता - मम महिला होहि त्ति । सो तं बला ण भुजति, सा वि तं णेच्छति । ताहे तेण वि सा जल्लगवेजस्स हत्थे विक्कीता।
तेण वि सा भणिता - मम भज्जा भवाहि त्ति । तं पि अणिच्छंतीए तेण वि रुसिएण भणिता-“वण" - पाणीयं, तातो जलूगा गेण्हाहि" त्ति । सा अप्पाणं णवणीएण मक्खेउं जलमवगाहति, एवं जलूगातो गेहति । सा तं अगणुरूवं कम्म करेति ण य सोलभंगं इच्छति । सा तेण रुहिरसावेण विरूवलावण्णा जाया। इतो य तस्स भाया दूयकिच्चेण तत्थागतो, तेण सा अणुसरिस त्ति काउं पुच्छिता, तीए कहियं, तेण दव्वेण मोयाविया प्राणिया य। वमणविरेयणेहि पुण णवसरीरा जाता।
अमच्चेण य पच्चाणेउ घरमाणिया सव्वसामिणी ठविया। ताए सो कोहपुरस्सरस्स माणस्स दोसं दठ्ठ अभिग्गहो गहितो- “ण मे कोहो माणो वा कायव्वो ॥३१६४॥३१६५॥३१६६।।
सयगुणसहस्सपागं, वणमेसज्ज जतिस्स जायणया ।
तिक्खुत्त दासिभिंदण, ण य कोहो सयं च दाणं च ॥३१६७।। तस्स घरे सयसहस्सपागं तेल्लमत्थि, तं च साहुणा वणसरोहणत्थं प्रोसढं मग्गियं ।
ताए य दासचेडी आणत्ता, - "प्राणेहि" ति । ताए आणतीए सहतेल्लेण एगं भायणं भिण्णं । एवं तिण्णि भायणाणि भिण्णाणि । ण य सा रुट्ठा। तिसु य सयसहस्सेसु विणटुंसु चउत्थवाराए अप्पणा उठेऊणं दिण्णं ।
जइ ताए कोहपुरस्सरो मेरुसरिसो माणो णिजितो तो साहुणा सुठुतरं गिहंतब्बो इति ।।३१६७॥ मायाए इमं -
पासत्थि पंडरजा, परिण-गुरुमूल-णातअभिनागा ।
पुच्छा तिपडिक्कमणे, पुवब्भासा चउत्थं पि ॥३१६८॥
णाणातितियस्स पासे ठिता पासत्थी, सरीरोवकरणब(पा)उसा णिच्चं सुक्किलवासपरि___ हरिता विचिटुइ त्ति । लोगेण से णामं 'कयं पंडरज्ज' ति।
सा य विजा-मंत-वसीकरणुच्चाटणकोउएमु य कुसला जणेसु पउज्जति । जणो य से पणयसिरो कयंजलितो चिट्ठति ।