________________
१४०
सभाष्य-चूणिके निशीघसूत्र
[सूत्र-४३
बोहण पडिमोदायण, पभाव उप्पाय देवदत्तद्दे । मरणुववाते तावस, नयणं तह भीसणा समणा ॥३१८३॥ गंधारगिरी देवय, पडिमागुलियागिलाणपडियरणं ।
पज्जोयहरण पुक्खर, रणगहणे णामो सवणा ॥३१८४॥ इहेव जंबुद्दीवे अड्डभरहे 'चंपा' णाम णगरी, 'अणंगसेणो' णाम सुवण्णगारो। सो य अतीव थीलोलो। सो य जं रूववई कण्णं पासति तं बहं दविणजायं दाउं परिणेइ। एवं किल तेण पंच इत्थिसया परिणीया । सो ताहिं सद्धि माणुस्सए भोगे भुजमाणो विहरइ। इतो य ‘पंचसेल' णाम दीवं । तत्थ 'विज्जुमाली' णाम जक्खो परिवसइ । सो य चूतो। तस्स दो अग्गमहिसीतो - 'हासा पहासा' य । तारो भोगत्थिणीतो चितेति -किंचि उवप्पलोभेमो । ताहि य दिट्टो 'अणंगसेणो'। सुदरे रूवे विउव्विऊण तस्स 'असोगवणियाए' णिलीणा। तापो दिहातो अणंगसेणेण । ततो य तस्स मणक्खेवकरे विब्भमे दरिसेंति । अक्खितो सो ताहि, हत्थं पसारे उमारखो।
ताहे भणितो - “जति ते अम्हेहिं कज्ज तो पंचसेलदीवं एज्जह" त्ति भणित्ता - तारो असणं गता।
इयरो विविहप्पलावीभूयो असत्थो रण्णो पण्णगारं दाऊण उग्घोसणपडहं णीणावेति इमं उग्घोसिज्जति - "जो अणंगसेणय पंचसेलं दीवं पावेति तस्स सो दविणस्स कोडिं पयच्छति" एवं घुस्समाणे णावियथेरेण भणियं - "अहं पावेमि" त्ति, छिक्को पडहो। तस्स दिण्णा कोडी।
त दुवे गहियसंबला दूरूढा णावं । जाहे दूरं गया ताहे णाविएण पुच्छितो - किं चि अग्गतो जलोवरि पासंसि ?
तेण भणियं "ण व" ति।
जाहे पुणो दूरं गतो ताहे पुणो पुच्छति, णेतेण भणियं - किंचि माणुससिरप्पमाणं घणंजण-वण्णं दीसति।
णाविएण भणियं – एस पंचसेलदीवणगस्स धाराए ठितो वडरुक्खो। एसा णावा एतस्स ग्रहेण जाहित्ति, एयस्स परभागे जलावत्तो। तुमं किंचि संबलं घेत्तु दक्खो होउं वडसाल विलग्गेजसि । अहं पुण सह णावाए जलावत्ते गच्छीहामि।
तुमं पुण जाहे जल वेलाए उग्रत्तं भवति ताहे णगधाराए णगं आरुभित्ता परतो पच्चोरुभित्ता पंचसेलयं दीवं जत्थ ते अभिप्पेयं तत्थ गच्छेजसु ।
अण्णे भणंति -
( तुम एत्थ वडरुक्खे प्रारूढो ताव अच्छसु, जाव उ संज्झावेलाए महंता पक्खिणो आगमिष्यंति पंचसेलदीवातो। ते राती वसित्ता पभाए पंचसेलगदीवं गमिस्संति। तेसिं चलणविलग्गो गच्छेज्जसु। )
जाव य सो थेरो एवं कहेति ताव संपत्ता वडरुक्खं णावा ।
Jain Education International
For Private & Personal Use Only
www.jainelibrary.org
