Shatkhandagama Pustak 15

SR No.: 001814
Original Sutra Author: Bhutbali
Author: Hiralal Jain, Fulchandra Jain Shastri, Balchandra Shastri
Publisher: Jain Sanskruti Samrakshak Sangh Solapur
Publication Year: 1994
Total Pages: 488
Language: Prakrit, Hindi, Sanskrit
Classification: Book_Devnagari, Agam, Canon, & Karma
File Size: 12 MB

Page 474

संतकम्मपंजिया
(१०१) तादो। एदस्सत्थो उच्चदे । तं जहा- मणुस्साउगं घादयमाणो जहण्णेण एगसमएण घादयदि, पुणो अजहण्णेण बिसमएण, तिसमएण एवं समयुत्तरकमेणेकस्संतोमुहुन्त कालमाउवघादसंकिलेसपरिणामेण परिणमिय पदेसमोकडिडयण आउअजहाणिसेयगोउच्छांवसेसादो अब्भाहयगोउच्छदयमावलियबाहिरगोउच्छाए संतुहिय तत्तो उवरि विसेसहीणकमेण संहदि जावमावलियं ण पत्तो त्ति । एवं समयं पडि समयं पडि संछुहंतो गच्छदि जावुक्कासेणुक्क [स्स]घादपरिणदंतोमुहुत्तकाले त्ति । पुणो तत्तियमेत्तकालं भुजगारसरूवेण वेदिय पच्छा एगसमएण कदलीघादं करेदि त्ति उत्तं होदि।
एवं तिरिक्खाउगस्स वि वत्तव्वं । पुणो एस कमो णिरय-देवाउआणं णस्थि । कुदो ? • तत्थ आउगघादपरिणामाणमसंभवादो। ओकड्डियूण विसेसाहियगोउच्छरयणा णत्थि ति उत्तं होदि ।
पुणो अवढिदवेदयकालो जहण्णण एगसमयं, उक्कस्समट्ठसमयं । पृ० ३२६.
कुदो ? आउगघादपरिणामकालभंतरे अवविदोदयणिबंधणपरिणामाणं एगसमयं कादणुक्कस्सेणट्ठसमयपडिद्धाणं उवलंभादो।
पुणो अप्पदरवेदयकालो जहण्णण एगसमयो । पृ० ३२६. कुदो ? घादपरिणामकालभंतरे एगलमयमुवलंभादो । उक्कस्सेण तिणिपलिदोवम(मं)समयूणं । पृ० ३२७.
सुगममेदं । पणो एत्तो उवरि णिरयगदिप्पहुडि जाव साधारणपयडि त्ति परूवणा सुगमा। कदो विवेगबद्धीणं पुव्विल्लसंकेदबलेण अवगमुवलंभादो।
एसो णागहत्थिखवणाणं उवदेसो । अण्णेण उबदेसेण मदिआवरणस्स भुजगारवदयकालो तेत्तीससागरोवमाणि देसूणाणि । पृ० ३२७.
कुदो ? सव्वट्ठसिद्धिम्मि तेत्तीससागरोवमाउम्मि उपजिय पज्जत्तिं समाणस्स पुव्वं व बंधेहि ओक्कड्डुक्कडणणिसेगेहि गोउच्छविसेसे हिं च अहवा जोगपरावत्तीहिं णिसेगविसेसे हिं पुव्वं व किरिएसु अणुसंधारणकालरस कदे देसूणतेत्तीससागरोवममेत्तकालं होदि त्ति अभिप्पायादो।
पुणो अप्पदरवेदयकालो तेत्तीससागरोवमाणि संखेजवस्सब्भहियाणि । पृ० ३२८.
कुदो ? गुणिकम्मंसियो सण्णी मिच्छाइट्ठी सत्तमपुढवीसु आउगं बंधिय पुणो तत्तो प्पहुडि पुव्वं व भुजगारकिरियं कालाणुसंधाणं करतसत्तमपुढविणेरइएसुप्पन्जिय पजत्तापज्जत्तेसु तत्थ वि कालाणुसंधाणं तेत्तीसं सागरोवमं कादूण णिस्सरियस्स तदुवलंभादो।
__ एवं सुद-मणपज्जव-ओहि-केवलणाणावरणाणं चउण्हं दसणावरणाणं च वत्तव्वं । असादस्स भुजगारवेदयकालो तेत्तीससागरोवमाणि देसूणाणि । पृ० ३२८.
कुदो ? सत्तमपुढविणेरइयस्स मिच्छाइट्ठिस्स पुव्विल्लकिरिएण पुव्वं व अणुसंधाणं कदे तेत्तियमेत्तकालुवलंभादो ।
अप्पदरं पलिदोवमस्स असंखेजदिभागो। पृ० ३२८.
कुदो ? सत्तमपुढविणेरइसम्माइट्ठिस्स मज्झिमविसोहि-संकिलेसस्स खविदकम्मंसियस पुत्वं व अणुसंधाणे कदे तत्तियमेत्तकालुवलंभादो ।
णिरयगदिणामाए भुजगारवेदगो अप्पदरवेदगो [वा] तेत्तीससागरोवमाणि