Page Text
________________
परिशिष्ट
पुणो तिरिक्खगदीए० अणंतगुणहीणा । पृ० २१७.
कुदो ? समाणसामित्ते संते वि देसघादि-अघादिपयडिविसेसणादो। पुणो एत्थ सूचिदकक्क (क्ख ) ड-गरुवाणं दोण्हं । २ । पयडीणमुदीरणा अणंतगुणहीणा । कुदो ? एयंतभवपच्चइयत्तादो। पुणो वि सूचिदमदमज्झिमच असंठाण-पंचंतिमसंहडणाणमिदि । ९ । णवपयडीणं उदीरणा तत्तो समाणं वा हीणं वा होदि त्ति वत्तव्यं, भवपच्चइयादिकारणेहि समात्तादो। पुणो कमेण णिरय-देव-मणुस-तिरिक्खाणुपुब्बी इदि चत्तारि । ४ । वि अणंतगुणहीणाणि होति त्ति वत्तवाणि। तत्तो चरिंदियजादी। १_1 अणंतगुणहीणं जादिवसेण होदि त्ति वत्तव्यं ।
पुणो चक्खुदंसण०उदीरणमणंतगुणहीणं । पृ० २१७.
कुदो सुदणाणावरणबंधाणुभागादो अणंतगुणभूदचक्खुदंसणस्स बंधाणुभागं तिरिक्खगदीदो अणंतगुणहीणं जादं ? ण, चक्खुदंसणावरणखओवसमजुत्तजीवस्स तक्खयोवसममाहप्पेण उदयावलियं पविस्समाणाणुभागं अग्गीए दाविदपिछोक्ख (पिंडो व्व ) अदीव ओहट्टदि त्ति तं थोवं जइ वि तक्खयोवसमविरहिदतीइंदिएण उदीरिदअणुभागमुक्कस्स जादं तो वि तं थोवं जादिवसेण जादं । तत्तो आदावमणंतगुणगुणहीणं । तत्तो एइंदिया (य-) थावराणि सरिसाणि अणंतगुणाणि । पुणो सूचिदपयडि तीइंदियकम्म चक्खुदंसणेण सरिसं। तत्तो बेइंदियमणंतगुणहीणं । तत्तो कमेण सुहम-साहारण-अपज्जत्ता च हीणाओ होंति त्ति वत्तव्वं । एवं एत्थ अट्ठ पयडीयो होति । ८ ।।
पुणो सम्मामिच्छत्तुक्क० अणंतगुणहीणं । पृ० २१७.
कुदो ? मिच्छत्तजहण्णाणुभागादो चक्खुदंसणावरणमणंतगुणमुदी रेदि, सम्मामिच्छतं पुण तत्तो अणंतगुणहीणं सव्वघादु (सव्वदा उ-) दीरेदि त्ति।
पुणो दाणंतराइय० अणंतगुणहीणं । पृ० २१७.
कुदो ? खओवसमपयडीणं जम्मि जादिम्मि खओवसमो वड्ढि तम्मि जादिम्मि अणुभागो वड्ढदि । णवरि मदि-सुदावरणं मोत्तूण तदो एइंदिएसु उक्कस्साणुभागमुदीरेंतो वि देसघादिबिट्ठाणियाणुभागं चेव जादत्तादो ।
पुणो लाभांतराइयमणंतगुणहीर्ण । भोगांतराइयमणंतगुणहीणं । परिभोगांतराइयमणंतगुणहीणं । पृ० २१७.
___ कुदो ? दाण-लाभ-भोग-परिभोगाणं माहप्पणि विचारिज्जमाणे संसारिजीवेसु कमेण थोव-थोवमाहप्पदंसणादो। तदो तदणुसारिपयडी वि होंति त्ति वत्तव्वं ।
पुणो अचक्खुदंसणस्स० अणंतगुणहीणा । पृ० २१७.
कुदो? परिभोगांतराइय-अचक्खुदंसणाणि दो वि सुहुमेइंदिएसुप्पम्णपढमसमए लद्धियक्खरं जादं तो वि पयडिविसेसेणप्पं जादं ।
पुणो वीरियंतराइयमणंतगुणहीणं । पृ० २१७.
कुदो? पर्याडविसेसेण थोवं जादं। अहवा दसणं जीवस्स लक्खणभूदं, वीरियस्स तदभावादो अप्पं जादं । तदो तदणुसारि तेसिं ...धि कम्मं पि होदि त्ति वत्तव्यं ।
पुणो वेदगसम्मत्तमणंतगुणहीणं । पृ० २१७. कुदो ? देसघादिप्फद्दयाणं सम्मादिट्ठीहिं उदीरिदत्तादो ।
Jain Education International
For Private & Personal Use Only
www.jainelibrary.org
| SR No. | 001814 |
| Book Title | Shatkhandagama Pustak 15 |
| Original Sutra Author | Bhutbali |
| Author | Hiralal Jain, Fulchandra Jain Shastri, Balchandra Shastri |
| Publisher | Jain Sanskruti Samrakshak Sangh Solapur |
| Publication Year | 1994 |
| Total Pages | 488 |
| Language | Prakrit, Hindi, Sanskrit |
| Classification | Book_Devnagari, Agam, Canon, & Karma |
| File Size | 12 MB |