________________
•
६२ )
परिशिष्ट
पुणो णउंस वेदस्स अणु० उदी० अनंतगुणहीणं । पृ० २१७.
कुदो ? णाणसत्तिपच्चा (च्छा) दयअणुभागादो चारित्तस्स पच्छादयमाणाणुभाग थोवत्तं णायगदत्तादो । एत्थ सूचिदपयडीणं काल-णील-दुगंध - तित्त- कडुग-सीद लुक्ख उवघादअथिरासुभामिदि दसपयडीणं । १० । परिणामपच्चएणुदीरिज्जमाणाण मेदेसि णउंसयुदीरणाए समाणुदीरणकारणे संते वि पोग्गलविवाइत्तणेण अप्पं जादमिदि वत्तव्वं । पुणो हुंडसंठाण० अणु० उदी० अनंतगुणहीणं होदि । एदमेगं । १ । पोग्गलविवाइ भवपच्चयित्तादो | सूचिदं गदं । पुणो थीण गिद्धिउदीरणमणंतगुणहीणं । पृ० २१७.
कुदो ? इट्ठावागग्गिस माणसंतावमुप्पाययणउंसयवेदाणुभागादो दंसणखओवसमं मोत्तूण दंसणोवजोगं थोवकालं पच्छादयंतस्स उदयावलियमणंतगुणहीणेण पविस्समाणस्स अणुभागुदीरणस्स बंध संतेहि वि थोवं जादं ।
पुणो अरदि० अनंतगुणहीणं । पृ० २१७.
कुदो ? थी गिद्धअणुभागादो दंसणोवजोगं विणासिय अवत्तव्वजीवगुणमविणासयादो गुणहीणाणुभागस्स चारितपरिणामम्मि अरदिं उप्पादयअरदिअणुभागस्स थोवत्तं णायसिद्धत्तादो ।
पुणो सोगस्स अणु० उदी० अनंतगुणही० । पृ० २१७.
कुढो ? चारितविसएस इंदियविसएसु अरदिउप्पाययअरदिअणुभागादो इट्ठजण विगमेण विसयविगमेण च अरदिपुव्वं सोगमुप्पायय सोगाणुभागं थोवत्ता दो ।
पुणो भयं० अनंतगुणहोणं । पृ० २१७.
कुदो ? दो वि परावत्तणोदएण समाणत्ते संते सोगाणुभागुदी रणकालादो भयाणुभागुदीरणकालमसंखेज्जगुणहीणं जादे तस्संबंधी संते वि अनंतगुणहीणं होदिति णव्वदे | पुणो दुगंछाए उदीरणा अनंतगुणहीणा । पृ० २१७.
कुदो ? भयादो उप्पज्जमाणदुक्खादो दुगुंछाए उपज्जमानं णं, किलच्छापुव्वं व दुक्खमपमिदि पडिविसेसेण थोवं जादं ।
पुणो णिद्दाणिद्दाए० उदीरणाणंतगुणहीणा । पृ० २१७.
कुदो ? दुक्खुप्पाययादो दुगंछाणुभागादो दुक्खभावेण दंसणोवजोगमप्पं पच्छादयं तस्स अणुभागस्स थोवत्तणायसिद्धत्तादो ।
पुणो पयलापयलाए० अनंतगुणहीणं । पुणो णिद्दाए० अनंतगुणहीणा । पुणो पयलाए० अनंतगुणहीणा । पृ० २१७.
एदाणि तिणि वि अप्पाबहुगपदाणि सुगमाणि पयडिविसेसावेक्खाए थोवथोवाणि जादाणि त्ति ।
पुणो अजसगित्ति-णीचागोदाणं उदीरणा अनंतगुणहीणा । पृ० २१७. कुदो ? दंसणोवजोगपच्छादण य पचलादो उवजोगपुव्वमाणोदएण परिणदजीवस्स अजगत्ति-णीचा गोदाणुभागं दुक्खमुग्पादयत्तादो थोवं जादं । एत्य सूचिदप्पसत्थविहायगदिदुभग दुस्सर-अणादेज्जमिदि चत्तारि पयडीणं । ४ । उदीरणाए पुत्रवत्तदोन्हं पयडीणमुदीरणाए एयंतरभवपच्चयादिकारणसामग्गीए समाणं वा होणं वा होदि त्ति वत्तव्वं, एगदरस्स णिण्णयकरणोवायाभावादो ।
Jain Education International
०
For Private & Personal Use Only
www.jainelibrary.org
