________________
संतकम्मपंजिया
होदि त्ति वत्तव्वं । पुणो वि सूचिदउज्जोवणाजाए. अणंतगुण हीणा । कुदो ? मिच्छाइट्ठिणा बद्धाणुभागं पमत्तसंजदेणुदीरिदत्तादो।
मिच्छत्तस्स० उदीरणा अणंतगुणहीणा । पृ० २१६.
कुदो ? वेगुब्वियसरीरबंधुक्कस्साणुभागादो उक्कस्ससंकिलिटुमिच्छाइट्ठिणा बध्दुक्कस्समिच्छत्ताणुभागस्स अणंतगुणहीणत्तादो सव्वदव्वपडिबद्धस्स असुहपयडिस्स परिणामपच्चएणु- . दीरिदे वि थोवं चेव जादं ।
पुणो केवलणाणावरण-केवलदसणावरण-असादवेदणीयाणं उदीरणा अणंतगुणहीणा। पृ० २१६.
कुदो ? उक्कस्ससंकिलिट्ठादिकारणेहि मिच्छत्तेण समाणाणि होदूण मिच्छत्ताणुभागबंधादो एदेसिं तिण्हं पि बंधा बद्धा णुभागाणंतगुणहीणं होदूण टिदउदीरिदत्तादो । मिच्छत्तेण जहाणंतसंसारं होदि तहा एदेहिंतो अणंतसंसारं ण होदि त्ति अप्पस त्तिजुत्तो त्ति जाणिज्जदे च ।
पुणो अणंताणुबंधीणमण्णदरुदीरणा अणंतगुणहीणा । पृ० २१६.
कुदो ? जीवलक्खणणाणपयडिबंधयादो अप्पाणम्मि णिबंध (णिबद्ध) चरित्तपरिणामपडिबद्धयस्स थोवत्तं णाइयत्तादो।
पुणो संजलणेसु अण्णदर उदीरणा अणंतगुणहीणा । पृ० २१६.
कुदो ? सम्मत्त-देस-सयलखओवसमचारित्तपडिबंधयादो तम्मिमणुप्पाइय उवसमखइयचारित्तपडिबद्ध बंध) यस्स थोवत्तं णायसिद्धत्तादो।
पुणो पच्चक्खाणावरणेसु अण्णदरउदीरणा अणंतगुणहीणा । पृ० २१६.
कुदो ? अपसत्थपय डिविसेसेण अप्पाणुभागबंधित्तादो खओवसमचारित्तपडडिबद्ध(बंध) यत्तादो च अप्पसत्थविहायं जादमिति ।
पुणो अपच्चक्खाणावरणेसु वि अण्णदरउदीरणा अणंतगुणहीणा । पृ०२१६. कुदो ? खओवसमचारित्तावरणादो देसचारित्तावरणस्स थोवत्तं णायादो। पुणो मदिणाणावरणस्स अणुभागउदीरणा अणंतगुणहीणा । पृ० २१६.
कुदो ? पुव्विल्लपय डिस्स उत्तसामग्गीहि सह एत्थ वि बंधतो वि तेहिंतो अणंतगुणहीणा अणुभागा बंधा (बद्धा । तदो सव्वदश्वपज्जयाणं देसघादिपडिबद्ध मणुभागमुदीरयंतो वि थोवं जादं ।
पुणो सुदणाणावरणीयस्स अणुभागउदीरणा अणंतगुणहीणा । पृ० २१६.
कुदो ? मदिपुव्वं सुदणाणुप्पत्तीदो, दोण्हं समाणसंखे जादे वि कारणजादमाहप्पेण मदिणाहमधियं इदरमप्पं जादं । तदो तेसिमावरणाणं पि तदणुसारियो होति त्ति ।
पुणो ओहिणाणावरण-ओहिदसणावरण०अणुउदी०अणंतगुणहीणं । पृ.२१७.
कुदो ? सुदणाणावरणाणुभागबंधो अणंतगुणहीणाणुभागबंधत्तादो सेसासेससव्वपयारेण दो वि समाणे संते वि रूविदव्वपडिबद्धत्तणेण च अणंतगुणहीणं जादे त्ति वा वत्तव्यं ।
पुणो मणपज्जवणा० अणंतगुणहीणं । पृ० २१७. ।
कुदो ? एदं पि रूविदव्वविसयं चेव, किंतु एदं तत्तो अप्पविसयत्तं आगमेण सिद्धो त्ति अणुभागुदीरणं पि तदणुसारी होदि त्ति ।
Jain Education International
For Private & Personal Use Only
www.jainelibrary.org
