________________
संतकम्मपंजिया
( ३५
( पृ० १५०. ) किमट्ठमेत्त (त्य) णिहा-पयलाणजहण्णदिदि उदीरगा सव्वप्पाबहुगपदेहितो बहुगं जादं? ण, तप्पाओग्गजहण्ण टिदिसंजुत्ता खइयसम्माइट्ठीणं णिरएसुप्पज्जिय तप्पाओग्गुक्कस्सणिरयाउगचरिमसमए ट्ठिदस्संतोकोडाकोडिमेत्तट्ठिदीए गहणादो। तं पि कुदो? सरीरपज्जत्तीए अपज्जत्तकाले एदेसिमुदीरणा णत्थि त्ति अभिप्पाएण तत्थतणजहण्णट्ठिदी ण गहिदा । पुणो सरीरपज्जत्तीए पज्जत्तयदस्स वि बंधट्ठिदीदो संतट्ठिदी बहुगी होदि । सा पुण गालिदउक्कस्साउगपमाणादो णेरइयचरिमसमए वट्टमाणख इयसम्मादिट्ठिद्विदीदो सगुक्कस्साउगपमाणेणब्भहियत्तादो ण गहिदा । पुणो पज्जत्ताणं जहण्णट्ठिदीदो खइयसम्मादिट्ठीणं जहण्णट्ठिदी संखेज्जगुणा होदि त्ति गहिदा ।
(पृ० १५०-५२ ) ___ पुणो तिरिक्खगदीए तिरिक्खजोणिणिए च अप्पाबहुगं सुगमं । णवरि सूचिदणामकम्मपयडीणमप्पाबहुगं जाणिय वत्तव्वं ।
( पृ० १५४ ) पुणो मणुसगदीए अप्पाबहुगं जाणियूण वत्तव्वं जाव सम्मामिच्छत्तस्स जहण्णट्ठिदिउदीरणं पत्ता त्ति। णवरि सूचिदपयडीणमप्पाबहुगं पि जाणिय वत्तव्वं । पुणो तत्तो दंसणावरण-पच्च (पंच) यस्स जहण्णटिदिउदीरणा संखेज्जगुणा त्ति । पृ० १५४.
कुदो ? चत्तारिवारमुवसमसेढिं चडिय तेत्तीसाउगदेवेसुप्पज्जिय अधद्विदीयो गालिय पच्छा मणुस्सेसुप्पज्जिय खइयसम्माइट्ठी होऊणंतोमुहुत्तेण खवगसेढिं (ढि ) चढणपाओग्गो होहदि त्ति ट्ठिदस्स जहण्णट्ठिदिउदीरणं जादं । तदो जढिदिउदीरणा विसेसाहिया। आहारसरीरस्स जहण्णढिदिउदीरणा संखेज्जगुणा।
कुदो? दोण्हं समाणसामित्ते संते वि विसोहिणा अप्पसत्थाणं कम्माणं ट्ठिदिसंत बहुगं घादिज्जदि, पसत्थाणं थोवं घादिज्जदि त्ति णायादो संखेज्जगुणं जादं । पुणो
जट्ठिदिउदीरणा विसेसाहिया। पुणो वेगुब्वियसरीरस्स जहण्णढिदिउदीरणा विसेसाहिया। पृ० १५४.
कुदो ? समाणसामित्ते संते वि खवगसेढिचडणपाओग्गकालादो हेट्ठा पुव्वमेव अंतोमुहुत्तकाले विगुव्वणपाओग्गे विगुव्वणमुट्ठाविय पच्छा तत्तो उवरि अंतोमुहुत्तकालेण आहारसरीरमुट्ठाविदत्तादो अंतोमुहुत्तेण विसेसाहियं जादं । पुणो देवगदीए अप्पाबहुगं सूचिदपयडीए सह जाणिय वत्तव्वं ।
( पृ० १५७ ) पुणो भुजगारुदीरणाए सामित्तपरूवणा सुगमा। तस्स कालाणुगम पि सुगमं ।
(पृ० १५८ ) णवरि पंचदंसणावरणाणं उदीरणकालो जहणेणेगसमओ। सुगममेदं । उक्कस्सेण णव समया । पृ० १५८..
तं कथं ? उच्चदे- ठिदीए भुजगारस्स कारणं दुविहं अद्धाखयं संकिलेसखयं चेदि । तत्थ अद्धाखयं णाम एगट्ठिदिबंधकालो एगसमयमादि कादूण जाउक्कस्सेण अंतोमुहुत्तमेत्तं होदि ।
Jain Education International
For Private & Personal Use Only
www.jainelibrary.org
